За гэта ў яго таксама канфіскавалі машыну.
«Лёгка ўсё прайшло. Не параўнаць з тым, што было ў жніўні. Персанал ветлівы, харчаванне нармальнае. З 60 чалавек было 10 «палітычных». Знайшоў новыя знаёмствы. Са мной сядзелі ў асноўным тыя, у каго ўзламалі дзверы, сканфіскавалі тэхніку з інфармацыяй», — сказаў па выхадзе Ілля Квачэнка.
Ён дадаў, што настрой у яго добры, «будзем працягваць».
5 сакавіка суддзя Мінскага раённага суда Антон Колабаў прызнаў яго вінаватым у «адзіночным пікеце». Ілля віны за сабой не прызнаў.
Раніцай 4 сакавіка на Іллю Квачэнку, жыхара квартала «Пірс», што знаходзіцца ў Мінскім раёне, склалі пратакол паводле артыкула 24.23 (парушэнне правілаў правядзення масавага мерапрыемства).
Увечары 2 сакавіка супрацоўнікі ДАІ з невядомых прычын эвакуявалі аўтамабіль жыхара кварталу «Пірс» з ягонай уласнай паркоўкі пад домам. Ілля некалькі месяцаў таму вывесіў на ўласным балконе бел-чырвона-белы сцяг. 3 сакавіка ранкам супрацоўнікі міліцыі прыйшлі да яго дадому, адключылі святло і пакінулі пад дзвярыма позву ў РУУС.
Чытайце таксама:
Жыхара квартала «Пірс», у якога за нацыянальны сцяг на балконе забралі машыну, затрымалі і будуць судзіць
Ілля Квачэнка асуджаны на 15 сутак за вывешванне бел-чырвона-белага сцяга на ўласным балконе ў квартале «Пірс»
