Аляксандр Пыльчанка і Дзмітрый Лаеўскі, фота Дар'і Буракінай, Tut.by.
Адваката затрыманага напярэдадні прэтэндэнта на пасаду прэзідэнта Беларусі Віктара Бабарыкі запрасілі ў КДБ для ўдзелу ў працэсуальных дзеяннях, паведамляе «Інтэрфакс».
«Мне патэлефанавалі з КДБ і запрасілі для ўдзелу ў працэсуальных дзеяннях у дачыненні да Віктара Бабарыкі. Вось літаральна цяпер я заходжу ў будынак КДБ», — паведаміў адвакат Дзмітрый Лаеўскі агенцтву.
Па яго словах, «спадзяюся, што атрымаецца сустрэча з маім падабаронным».
Лаеўскі падкрэсліў: «Пакуль афіцыйна аформленых падазрэнняў і абвінавачванняў (у дачыненні да Бабарыкі) я не бачыў, уся наяўная інфармацыя паступіла са СМІ».
Адвакат пацвердзіў, што справу Бабарыкі «можа весці і КДБ». «Не магу сказаць, што толькі яны, але і яны ў тым ліку», — дадаў ён.
