БелТА
Пра гэта ён заявіў сёння на нарадзе ў Мінску, прысвечанай мерам падтрымкі рэальнага сектара эканомікі з боку банкаўскай сістэмы, піша БЕЛТА.
У пачатку нарады кіраўнік дзяржавы выказаўся па бягучай сітуацыі.
«Вы бачыце, што сёння фокус усіх палітычных інтарэсаў сканцэнтраваны на Беларусі. Як з Захаду, так і з Усходу. Назіраючы за сітуацыяй на працягу апошніх сутак, я бачу, што актывізаваліся пэўныя сілы, якія пачынаюць інтэсіўнічаць, разгойдваючы сітуацыю ў краіне. Мы гэта назіралі, і даўно.
Але нам усё ж такі ўдалося зрабіць некаторыя крокі на апярэджанне і сарваць маштабны план дэстабілізацыі Беларусі (гэта не жарт і не запалохванне) і прывесці краіну да нейкага Майдану. Такая была мэта. Маскі сарваныя з пэўных не толькі лялек, якія у нас тут былі, але і лялькаводаў, якія сядзяць за межамі Беларусі», — сказаў Аляксандр Лукашэнка.
Ён падкрэсліў, што нікому не дазволіць зламаць краіну. «Я хачу, каб вы разумелі, што я ні ў якім разе, і па сваіх функцыянальных абавязках як прэзідэнт па Канстытуцыі, і проста як чалавек, які ўсё сваё жыццё паклаў на стварэнне гэтай незалежнай суверэннай дзяржавы, нікому не дазволю зламаць гэтую краіну. Я хачу, каб мяне разумелі вы і іншыя. Для мяне няма большай каштоўнасці, чым Беларусь — суверэнная і незалежная. І на захаванне гэтай краіны я пайду, чаго б мне гэта ні каштавала», — заявіў ён.
Бабарыка затрыманы. «З-за спробы ўздзеяння на сведак і ўтойвання доказаў злачынства»
КДК: Лялькаводы Бабарыкі — вялікія начальнікі «Газпрома», а можа, і вышэй
Гэта было чуваць і ў СІЗА КДБ. ВІДЭА таго, што рабілася сёння вечарам у Мінску на праспекце
