У ноч з 20 на 21 красавіка кіроўца аўтамабіля Volkswagen Passat, які рухаўся па аўтадарозе «Гомель — Ветка — Чачэрск — Ямнае», не справіўся з кіраваннем, з'ехаў у левы па ходзе руху кювет і ўдарыўся ў дрэва. Пасля сутыкнення аўтамабіль загарэўся, паведамляе тэлеграм-канал Следчага камітэта.
Кіроўца і пасажыр памерлі на месцы здарэння.
Пасля ліквідацыі пажару быў праведзены агляд месца здарэння і парэшткаў загінулых. Для іх ідэнтыфікацыі запланавана судова-медыцынскае даследаванне.
Па адной з версій за рулём мог быць уласнік аўтамабіля — 58-гадовы жыхар Веткі.
Тых, хто мог стаць відавочцамі ДТЗ або мае звесткі пра загінулых, просяць паведаміць па тэлефонах: (80232) 69-30-50, 69-30-54, 69-30-49.
0
0
0
0
0
0