У Даніі не засталося палітычных пярэчанняў, звязаных з пракладкай у яе выключнай эканамічнай зоне расейскага газаправода «Паўночны струмень-2». Пра гэта паведамляюць «Известия» са спасылкай на крыніцы, знаёмыя з ходам рэалізацыі праекта.
Па словах аднаго з суразмоўцаў газеты, звязаныя з палітыкай моманты тычыліся заяўкі на праходжанне газаправода праз дацкія тэрытарыяльныя вады. На гэтым этапе ўлады максімальна зацягнулі з тэрмінамі ўзгаднення. У канцы чэрвеня заяўку адклікалі, а ў ліпені падалі новую, і ў ёй гаворка ішла ўжо пра маршрут праз выключную эканамічную зону Даніі, што рэгулюецца міжнароднай канвенцыяй аб марскім праве. Цяпер працэс прыняў выключна адміністрацыйны характар і падыходзіць да завяршэння.
Калі менавіта Данія прыме рашэнне адносна расійскага газаправода невядома. Пытанне вырашыцца, калі скончыцца ацэнка ўздзеяння на навакольнае асяроддзе і бяспеку, якую праводзіць як Данія, так і сумежныя дзяржавы. Таму тэрміны яшчэ будуць залежаць ад магчымых кансультацый з іншымі краінамі.
У кампаніі-аператары праекта «Паўночны паток-2» Nord Stream 2 AG таксама не змаглі назваць імаверныя тэрміны.
