president.gov.by
Прэс-сакратар Беларускай праваслаўнай царквы айцец Сяргей Лепін абверг інфармацыю, якая з'явілася на некаторых расійскіх сайтах пра тое, што ў Беларусі неўзабаве заменяць кіраўніка Царквы мітрапаліта Паўла, а на яго месца прызначаць зноў расейца — мітрапаліта Казанскага і Татарстанскага Феафана, піша Радыё Свабода.
«Па-першае, пра тое, што мітрапаліт зменіцца, пішуць ужо гадоў 5, з таго моманту, як яго толькі прызначылі.
Па-другое, мы з вамі чытаем адны і тыя ж тэлеграм-каналы і сайты.
На маю думку, ім трэба шукаць афіцыйныя крыніцы інфармацыі, а не нейкія ананімныя крыніцы. Чаму пішуць зараз пра мітрапаліта Татарскага і Казанскага Феафана, трэба спытацца ў аўтараў. Раней фігуравалі іншыя асобы, цяпер нешта новенькае з'явілася. Я не ведаю, адкуль яны гэта бяруць», — сказаў Сяргей Лепін.
Расійскі тэлеграм-канал сцвярджае, што мітрапаліт Павел — амерыканскі агент
