Няшчасны выпадак адбыўся 10 студзеня каля 22.00 у вёсцы Ратайчыцы.
Кампанія маладых людзей забаўлялася катаннем на капоце ад старой машыны, які быў прычэплены да аўтамабіля. За рулём «Мерседэса» знаходзілася 18-гадовая дзяўчына, у імправізаваных санях - чацвёра чалавек.
Пры павароце капот занесла, і ён на хуткасці ўрэзаўся ў электрычны слуп.
Ад атрыманых траўмаў на месцы загінуў 22-гадовы мясцовы хлопец.
17-гадовага жыхара Брэста даставілі ў бальніцу, ён у рэанімацыі.
0
0
0
0
0
0
