За гвалтоўныя дзеянні сэксуальнага характару ў дачыненні да сямігадовай дзяўчынкі — жыхаркі Брэста — асуджаны 58-гадовы грамадзянін Украіны.
Ён здзейсніў злачынства яшчэ ў 2014 годзе, у дзень свайго нараджэння. Прыехаўшы ў Брэст, мужчына завабіў сямігадовую дзяўчынку, якая ішла на заняткі, на тэхнічны паверх адной з дзіцячых спартыўных устаноў і здзейсніў у дачыненні да яе супрацьпраўныя дзеянні. Да злачынства педафіл рыхтаваўся загадзя, у прыватнасці, узяў з сабой вяроўку.
Асобу злачынцы ўсталявалі на працягу трох сутак, быў аб'яўлены міжнародны вышук. Праз некаторы час педафіл быў затрыманы ў Расіі і экстрадаваны ў Беларусь. Суд прысудзіў яго да 15 гадоў пазбаўлення волі. У сябе на радзіме мужчына тройчы прыцягваўся да адказнасці за такія злачынствы.
