9-11 снежня 2015 года Міністр інфармацыі Лілія Ананіч у складзе дзяржаўнай дэлегацыі Рэспублікі Беларусь наведала Ахшабад (Туркменістан) для ўдзелу ў мерапрыемствах Нацыянальнай выставы-кірмашу Рэспублікі Беларусь, паведамляе прэс-служба Мінінфарма.
У рамках Нацыянальнай выставы Міністэрствам інфармацыі арганізавана экспазіцыя, якая прадстаўляе найлепшыя дасягненні кнігавыдання Беларусі. У ходзе наведвання Аляксандрам Лукашэнкам выставы-кірмашу Ананіч прэзентавала кіраўніку дзяржавы выдадзеную ў рамках рэалізацыі праграмы Мінінфарма кнігу прэзідэнта Туркменістана Гурбангулы Бердымухамедава «Імя добрае неўміручае» ў перакладзе на беларускую мову.
Таксама Міністэрствам інфармацыі Рэспублікі Беларусь сумесна з РВУ «Выдавецкі дом «Звязда» ў рамках выставы праведзены круглы стол «Сугучча: агульнасць творчых пошукаў пісьменнікаў Туркменістана і Беларусі» з удзелам беларускіх і туркменскіх літаратараў і дзеячаў культуры. Да Нацыянальнай выставе-кірмаша прымеркаваны адмысловы выпуск часопіса «Беларусь.Belarus», прысвечаны ўсебаковаму супрацоўніцтву нашай краіны з Туркменістанам.
