У пятніцу Вярхоўны суд ЗША пасля абмеркавання, якое доўжылася дзве з паловай гадзіны, прыняў да разгляду пазовы некалькіх гомасэксуальных пар са штатаў Кентукі, Мічыган, Агаё і Тэнэсі, аб'яднаўшы іх у адну справу.
Пазоўнікі лічаць, што забарона на афіцыйнае афармленне адносін геямі і лесбіянкамі, якая захоўваецца ў іх штатах, супярэчыць канстытуцыі.
Слуханні пачнуцца ў красавіку. Рашэнне чакаецца ў канцы чэрвеня. Яно альбо ўзаконіць аднаполыя саюзы ва ўсёй Амерыцы, альбо захавае цяперашні парадак, пры якім штаты вырашаюць гэта пытанне самастойна.
У цяперашні час гей-шлюбы ўзаконеныя ў 36 з 50 штатаў і федэральнай акрузе Калумбія.
Вярхоўны суд ЗША з'яўляецца вышэйшым і канчатковым тлумачальнікам канстытуцыі.
0
0
0
0
0
0