Камітэт патрыятычных сіл Данбаса вырашыў адмяніць сваё рашэнне аб стварэнні «Данецкай рэспублікі». Пра гэта гаворыцца ў заяве прэс-службы КПСД.
«У сувязі з падзеямі апошніх дзён у КПСД паступалі шматлікія звароты грамадзян з заявамі аб іх нязгодзе са стварэннем Данецкай рэспублікі і абвяшчэннем аб яе далучэнні да суседняй дзяржавы, а таксама з правядзеннем рэферэндуму без адпаведнай нарматыўнай базы», — гаворыцца ў заяве.
У сувязі з гэтым Камітэт ўжо 7 красавіка ў Данецку правёў Народны сход на якім было прынята рашэнне:
«1. Адмяніць рашэнне аб стварэнні Данецкай рэспублікі.
2. Забараніць правядзенне любых рэферэндумаў на тэрыторыі Данецкай вобласці да стварэння адпаведнай прававой базы.
3. Вызнаць незаконнымі заявы аб аддзяленні Данецкай вобласці ад Украіны і захаваць рэгіён у складзе незалежнай Украінскай дзяржавы», — паведамілі ў КПСД.
Як вядома, у панядзелак сепаратысты ў захопленым будынку АДА ў Данецку «абвясцілі» стварэнне так званай Данецкай рэспублікі.