Сябрам Васіля Парфянкова пакуль невядома, як назавуць сына.
«Паведаміў, што хлопчык нарадзіўся здаровы, з добрымі дадзенымі росту і вагі», — кажуць сябры Васіля Парфянкова.
Васіль Парфянкоў ня раз казаў сябрам, што збіраецца ажаніцца, але гэтым планам пашкодзіла чарговае зняволеньне.
«Хачу, каб у нас было вяселле, як у вольных людзей, і буду чакаць, каб гэтак і атрымалася», — казаў Васіль Парфянкоў пра будучы шлюб.
Удзельнік Плошчы Васіль Парфянкоў асуджаны Першамайскім судом Менску на 1 год калёніі строгага рэжыму за парушэньне правілаў прэвэнтыўнага нагляду, які быў накладзены на яго пасьля некалькіх затрыманьняў на акцыях салідарнасьці з палітвязьнямі.
Утрымліваюць Васіля Парфянкова ў жодзінскай калоніі.
0
0
0
0
0
0
