Увечары 25 верасня ў адной з кватэр па вуліцы Рэпіна было знойдзена цела 19- гадовай жыхаркі Стаўбцоўскага раёна з множнымі пранікальнымі колата-рэзанымі раненнямі, паведамляе «Intex-press».
Па факце забойства была распачатая крымінальная справа. Увесь гэты час супрацоўнікі міліцыі шукалі жыхара Баранавічаў, які меў зносіны з загінулай.
Увечары 16 кастрычніка 29-гадовага гараджаніна знайшлі ў лесе ў Баранавіцкім раёне і затрымалі, паведамілі ў Баранавіцкім ГАУС.
Па інфармацыі супрацоўнікаў праваахоўных органаў, ёсць падставы меркаваць, што гэты мужчына нанёс смяротныя траўмы дзяўчыне. У цяперашні час затрыманы змешчаны ў ізалятар часовага ўтрымання Баранавіцкага ГАУС.
0
0
0
0
0
0
