Уэйн, Колін і трохгадовы Кай 12 мая на «Олд Трафард» падчас ганаровага ўшанавання МанЮнайтэд з 20-м золатам чэмпіёна Англіі.
У ноч з панядзелка на аўторак ва Уэйна і Колін Руні нарадзіўся другі сын, які атрымаў імя Клэй Энтані Руні. 27-гадовы форвард знаходзіўся побач з цяжарнай жонкай і з гэтай прычыны прапусціў апошні матч «Манчэстэр Юнайтэд» супраць «Уэст Бромвіча».
Руні напісаў у сваім twitter: «Наш цудоўны сын Клэй Энтані Руні нарадзіўся ў 2:11 раніцы. Клэй і Колін пачуваюцца добра. Мы ўсе вельмі рады!»
Англійская прэса таксама паведамляе, што новы трэнер «Юнайтэд» Дэвід Моес мае намер сустрэцца з Уэйнам да свайго ад'езду ў адпачынак, каб абмеркаваць яго будучыню ў «Юнайтэд».
Па дадзеных The Daily Mail Руні плануе застацца ў клубе і хоча зноў гуляць пад кіраўніцтвам свайго першага трэнера, пад кіраўніцтвам якога пачаў кар'еру ў «Эвертане».
0
0
0
0
0
0
