У найбліжэйшы час у ВНУ Беларусі можа вырасці кошт навучання. Пра гэта сведчыць праведзенае БелаПАН апытанне супрацоўнікаў бухгалтэрый вядучых беларускіх ВНУ.
Так, у бухгалтэрыі Беларускай дзяржаўнай акадэміі музыкі БелаПАН паведамілі, што «пакуль яшчэ Міністэрства адукацыі вырашае, ці даваць дазвол на павелічэнне аплаты за навучанне» ў сувязі з павелічэннем з 1 студзеня тарыфнай стаўкі першага разраду. Таму пакуль студэнты плацяць па старых квітанцыях, аднак, магчыма, будзе загад ажыццявіць даплату.
У аддзеле платных адукацыйных паслуг бухгалтэрыі Беларускага нацыянальнага тэхнічнага ўніверсітэта заявілі, што ім пакуль аб павелічэнні кошту навучання не вядома.
«Штосьці з’явіцца ў пачатку лютага, не раней», — дадаў супрацоўнік бухгалтэрыі.
Удакладняць новы кошт навучання не раней лютага таксама параілі ў бухгалтэрыі Беларускага дзяржаўнага ўніверсітэта культуры і мастацтваў. «Пакуль яшчэ нічога не вядома: дасць нам загад Міністэрства адукацыі ці не», — адзначылі ў бухгалтэрыі.
У бухгалтэрыі Беларускага дзяржаўнага ўніверсітэта заявілі, што «пакуль яшчэ кошт навучання не павысіўся», і не змаглі сказаць, калі такое рашэнне можа быць прынята.
Кошт навучання пакуль не павысілі і ў Беларускім дзяржаўным універсітэце інфарматыкі і радыёэлектронікі і Беларускім дзяржаўным
Толькі кіраўнікпрэс-цэнтра Акадэміі кіравання пры прэзідэнце Юрый Зайцаў пэўна паведаміў, што кошт навучання ў ВНУ не павысіўся, і «гэтае пытанне не абмяркоўваецца цяпер».