Špacyry pa biełaruskaj Maskvie: Biełaruski vakzał 3

Dla pieravažnaj bolšaści biełarusaŭ Maskva pačynajecca ź Biełaruskaha vakzału — adnoj ź dzieviaci centralnych čyhunačnych stancyj rasijskaj stalicy. Ź Biełaruskaha vakzału ciahniki z Maskvy jduć u Biełaruś, krainy Bałtyi i Zachodniuju Jeŭropu.

Płošča Ćviarskoj zastavy ŭ 1920 h. Na zadnim płanie - Biełaruska-Bałtyjski vakzał

Biełaruski vakzał, 2008 h. (krynica - Vikipiedyja, aŭtar NVO)

Biełaruski vakzał kaliści nazyvaŭsia Smalenskim, potym — Bieraściejskim, potym — Biełaruska-Bałtyjskim i tolki ŭ 1922 atrymaŭ siońniašniuju nazvu. Pryčym u aficyjnaj dakumientacyi rasijskaj čyhunki stancyja dahetul čamuści nazyvajecca «Maskva-Smalenskaja».

Z nazvami ŭ čyhunačnikaŭ uvohule dziŭna: stancyja, ad jakoj ciahniki iduć na Sankt-Pieciarburh, dahetul nazyvajecca Leninhradski vakzał. Čyhunka, jakaja hety maršrut absłuhoŭvaje, nazyvajecca «Kastryčnickaja» («Oktiabŕskaja») — pry tym, što stancyja mietro «Oktiabŕskaja» znachodzicca na supraćlehłym baku horada. Jak tut nie ŭzhadać minski mietrapaliten, dzie stancyju «Płošča Lenina» spačatku pierajmienavali, a potym apynułasia, što ŭsio ž nie pierajmienavali ŭ «Płošču niezaležnaści».

Biełaruski vakzał staić na Płoščy Ćviarskaja zastava, na jakoj da 30-ch hadoŭ minułaha stahodździa stajała i znakamitaja maskoŭskaja Tryjumfalnaja arka, jakuju za kamunistami razabrali i pieranieśli na Kutuzaŭski praśpiekt, u rajon sučasnaha Parka pieramohi. Da vakzału vychodziać dźvie stancyi maskoŭskaj padziemki, što nazyvajucca «Biełorusskaja» — ale pra ich inšym razam.

Siońnia płošča Ćviarskaja zastava sustrakaje hościa stalicy šmathadovym budaŭnictvam vuścišnaj typova maskoŭskaj raźviazki z strachotnym parkinham na niekalki pavierchaŭ, natoŭpam minakoŭ, šapikami ź pirackimi dyskami i fast-fudami nieviadomaj jakaści.

Jašče paru hadoŭ tamu ciahniki na Biełaruś na Biełaruskim vakzale abviaščali taksama i na biełaruskaj movie.

Apošnija razy, kali pryjazdžaŭ na hety vakzał, ja takoha nie čuŭ. Moža chtoś viedaje, ci hučyć jašče biełaruskaja mova na Biełaruskim vakzale?

---

Papiarednija špacyry:

«Raźvitańnie z radzimaj» na kožnaj stancyi mietro

Ambasada Biełarusi

Biełaruskija restarany

«Biblijateka imia Lenina»

Aleś Čajčyc

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH