Televizijniki pryvučyli hledačoŭ da kadraŭ, kali ŭdzielniki akcyi 19 śniežnia kajucca.
Možna zdahadacca, što takija pryznańni vybivajuć psichałahičnym ciskam.
Na hetym fonie zaŭvažna kantrastavaŭ dopyt aktyvista Paŭła Vinahradava. Kadry ź jaho demanstravali telekanały ANT i BT.
Vinahradaŭ mienš za ŭsio byŭ padobny da złomlenaha čałavieka. Na ŭsie pytańni śledčaha adkazvaŭ z uśmieškaj i ironijaj. Kaža, maŭlaŭ, nie pašancavała jamu pry takim kiraŭniku naradzicca, voś i vypraŭlaje situacyju.
Abo skazaŭ:
«Mnie zdajecca, što pahrom Doma ŭrada pačali apranutyja ŭ cyvilnaje milicyjanty, ale dokazaŭ hetaha ŭ mianie niama».
Paŭłu Vinahradavu 22 hady. Jon minčuk, skončyŭ muzyčnuju škołu. Doŭhi čas byŭ blizki da «Jeŭrapiejskaj Biełarusi». U 2008 hodzie prajšoŭ praz kryminalnuju spravu, jakaja atrymała nazvu «Praces čatyrnaccaci».
Tady Paša byŭ asudžany na dva hady «chimii» biez nakiravańnia ŭ papraŭčyja kałonii. Chłopiec całkam adbyŭ pakarańnie, a nie źjechaŭ z krainy.
Padčas hetaj vybarčaj kampanii dałučyŭsia da kamandy Uładzimira Niaklajeva. Vinahradaŭ i ŭ doždž, i ŭ choład stajaŭ ź pikietam la kramy «Akijan», što la płoščy Pieramohi.
Siabra štaba Niaklajeva Michaś Paškievič kaža, što «Vinahradaŭ jak nichto inšy jakasna adpracavaŭ kampaniju». Jaho ŭ vializnych navušnikach možna było pastajanna bačyć za śpinaj paeta.
Ciapier ža chłopiec demanstruje publična svaju niazłomnuju pazicyju.
Pikiet kala CVK, Pavieł Vinahradaŭ (sprava).
