Rehistracyjnaja kniha iškaldskaha prychodu ad 1759 h. prabudzie na aŭkcyjonie mienš za 2 sutak. Cana — 3 000 000 rubloŭ.
Fota ay.by
Fota ay.by
Fota ay.by
Najstarejšy kaścioł u Biełarusi. Fota A.Dyboŭski, «Hłobus Biełarusi»
Na internet-aŭkcyjon ay.by vystavili ŭnikalny dakumient — Rehistracyjnuju knihu iškaldskaha prychodu ad 1759 h. Apošni zapis u knizie datujecca 1807 hodam. Kniha ŭ dobrym stanie, ciapier jaje cana składaje 3 młn biełaruskich rubloŭ (troški mienš za tysiaču dalaraŭ). Dakumient najstarejšaha ŭ krainie kaścioła prabudzie na tarhach jašče kala 2 sutak: zakančeńnie aŭkcyjonu ŭ 12:49:50 20 listapada.
Miescaznachodžańnie łota — Baranavičy, atrymać jaho možna tolki pa pošcie i tolki paśla pieradapłaty.
Pradaviec knihi pad nikam raritet maje vysoki rejtynh nadziejnaści na internet-aŭkcyjonie ay.by: 945 pazityŭnych vodhukaŭ, suprać 6 niehatyŭnych. Jon śćviardžaje, što nabyŭ jaje ŭ nieviadomaj asoby. Jon nastojliva nie rekamienduje ŭstupać u relihijnyja dysputy nakont łota. Tym nie mienš, adzin z udzielnikaŭ abmierkavańnia paraiŭ haspadaru knihi prapanavać nabyć knihu biełaruskim katalikam. «Ja, viadoma, razumieju cikavaść antykvara, ale Iškaldski kaścioł heta nie prosta nieviadomaja sielskaja parafija, heta — samy stary katalicki chram Biełarusi! Heta naša historyja, i niapravilna budzie, kali kniha sydzie za miažu abo źniknie. Prapanujcie nabyć jaje iškaldskamu prychodu, hrodzienskaj katalickaj dyjacezii, nacyjanalnaj biblijatecy Biełarusi! Nie śpiašajciesia pradavać aby kamu. Daju infarmacyju ab vašym łocie niekalkim zacikaŭlenym asobam».
Dakumient najstarejšaha ŭ krainie kaścioła prabudzie na tarhach jašče kala 2 sutak: zakančeńnie aŭkcyjonu ŭ 12:49:50 20 listapada.
* * *
Kaścioł Śviatoj Trojcy ŭ Iškaldzi (Baranavicki rajon) — zakładzieny ŭ 1472 h. Fundatar — smalenski namieśnik Mikałaj Niemirovič i jaho žonka Alžbieta. Najstarejšy kaścioł u Biełarusi, pomnik kamiennaha dojlidstva, vykanany ŭ hatyčnym styli. U svoj čas pierachodziŭ da kalvinistaŭ, potym da pravasłaŭnych.
