U pryvatnaści, jak paviedamili BiełaPAN vidavočcy, bolš za sorak chvilin nie chadzili tralejbusy pa vulicach Arłoŭskaj (z-za padtapleńnia ŭ rajonie prypynku «Druhoje kalco»), Karastajanavaj, bulvary Šaŭčenki, vulicy Kalinoŭskaha (było zatoplena skryžavańnie z vulicaj Knoryna).
Padčas zalevy 4 červienia ŭ Minsku było padtoplena vosiem učastkaŭ vulična-darožnaj sietki, na jakich spyniaŭsia ruch 27 maršrutaŭ hramadskaha transpartu.
24 lipienia 2009 hoda ŭ Minsku ŭ vyniku mocnaha liŭnia było padtoplena bolš za 100 padvalnych pamiaškańniaŭ i 77 učastkaŭ aŭtamabilnych daroh. Z padvalnych i cokalnych pavierchaŭ budynkaŭ byli vyratavanyja 52 čałavieki, evakuiravana z aŭtatranspartu — 494. Byŭ prypynieny ruch pa 24 tralejbusnych, šaści aŭtobusnych i čatyroch tramvajnych maršrutach. Na dvuch stancyjach mietrapalitena — «Park Čaluskincaŭ» i «Uschod» — ciahniki na praciahu 15 chvilin prachodzili biez prypynkaŭ.
