Administracyjnuju spravu suprać kleckaha aktyvista nakiravali na novy razhlad.
Minski abłasny sud razhledzieŭ skarhu Siarhieja Panamarova z Klecka na administracyjny prysud ad 29 krasavika. Nahadajem, što naprykancy krasavika Klecki rajonny sud pakaraŭ vydaŭca niezaležnaha biuleteniu «Bojki Klecak» štrafam u 10 bazavych vieličyń (350 000 rub.) za abrazu načalnika kleckaj ŽKH Alaksandra Navickaha. 15 sakavika pamiž Panamarovym i Navickim adbyŭsia nievialiki kanflikt, u časie jakoha, pa słovach Panamarova,načalnik ŽKH jaho abraziŭ. Śviedkami skandału stali hości Panamarova ź Minska. Jany i padmacavali svaimi podpisami zajavu vydaŭca ŭ prakuraturu Kleckaha rajona. Praz peŭny čas u milicyju źviarnuŭsia Navicki z sustrečnaj zajavaj, u jakoj abvinavaciŭ u abrazach Panamarova. Kleckija milicyjanty skłali administracyjny pratakoł, sud spravu razhledzieŭ i pryznaŭ vinavatym Panamarova. Jahonuju zajavu ŭ Kleckim RUUS nie razhladali.
28 traŭnia Minski abłasny sud pastanaviŭ admianić rašeńnie Kleckaha rajonnaha suda i nakiravaŭ spravu da inšaha sudździ na novy razhlad. Pry hetym było adznačana, što sud nad Panamarovym adbyvaŭsia z parušeńniem šerahu artykułaŭ PVKaAPu.