U vyniku dvuch vybuchaŭ u maskoŭskim mietro zahinuli 38 čałaviek i kala 60 paranienyja, takija novyja źviestki. Miarkujecca, što vybuchi ažyćciavili terarystki-śmiarotnicy.
Ciskanina na stancyi mietro «Kamsamolskaja», 29 sakavika 2010 h.
Fota Hazieta.ru
Fota Pravda.ru
Kolkaść paciarpiełych pry teraktach ŭ maskoŭskim mietro praciahvaje raści. Zahinuli bolš troch dziesiatkaŭ čałaviek, ranieńni atrymali 60 čałaviek, stan pałovy ź ich daktary aceńvajuć jak krytyčny. Dziaciej siarod paciarpiełych i zahinuŭšych niama. Vybuchovyja prystasavańni, načynienyja bałtami i hajkami, pryviali ŭ dziejańnie dźvie śmiarotnicy.
Pa słovach namieśnika mera Maskvy Piatra Birukova, u ciažkim stanie zaraz znachodziacca 30 čałaviek.
Na miescy teraktaŭ praciahvajuć pracavać supracoŭniki MNS, FSB i SKP RF. Na płatformach stancyj «Łubianka» i «Park kultury» usio jašče zastajucca trupy achviaraŭ vybuchaŭ. Razbureńniaŭ na abiedźviuch stancyjach niama.
Śledčyja ŭžo całkam paćvierdzili viersiju pra toje, što terakty ažyćciavili dźvie śmiarotnicy.
Pa słovach aficyjnaha pradstaŭnika SKP Uładzimira Markina, na miescach NP ŭžo znojdzienyja hałovy terarystak, a ŭ vahonie na stancyi «Łubianka» toje, što adbyłosia mahła zafiksavać videakamiera. Zapis ŭžo kanfiskavany, ź im pracujuć śledčyja.
Pa słovach Markina, abiedźvie śmiartonicy pryviali ŭ dziejańnie vybuchovyja prystasavańni na asnovie płastytu, načynienyja hajkami i bałtami, kali znachodzilisia ŭ vahonie.
«Pry vybuchu zahinuli tyja, chto znachodziŭsia ŭ radyusie paražeńnia — na placoŭcy la dźviarej», — skazaŭ pradstaŭnik SKP.
Raniej «Interfaks» paviedamiŭ, što ŭ vyšuk abjaŭlenyja jašče dźvie mierkavanyja terarystki. Milicyjantam razdajuć ich fatahrafii. «U vyniku vyvučeńnia zdymak videakamier byli ŭstalavanyja prykmiety dvuch žančyn, jakija supravadžali śmiarotnic da ŭvachodu ŭ mietro. Jany abjaŭlenyja ŭ vyšuk», — paviedamiła krynica ahienctva ŭ pravaachoŭnych orhanach. U toj ža čas krynica «Haziety.Ru» ŭ pravaachoŭnych orhanach asprečyła hetaje paviedamleńnie.
Jak zajaviŭ kiraŭnik słužby vybuchabiaśpieki horada Maskvy, kiraŭnik NTC «Vybuchaŭstojlivaść» Adolf Mišu, vybuchi byli dobra skaardynavanyja. «Kiravańnie adno i toje ž, meta adna, čas ŭzhodnieny — hadzina pik, kali narodu šmat u mietro», — rastłumačyŭ «Hazietie.Ru» Mišu.
«Kali ŭziać tyja papiarednija dadzienyja ab vybuchach, jakija zaraz dajucca, to ja b acharaktaryzavaŭ siłu vybuchu prykładna ad 1,5 da 3 kiłahramaŭ u tratyłavym ekvivalencie, — skazaŭ Mišu. —
U vypadku vybuchu niepasredna ŭ vahonie mohuć być nastupnyja padziei: rola askiepkaŭ u dadzienym vypadku — vyklučna druharadnaja, pakolki tut ludzi hinuć ad udarnaj chvali. Askiepki dajuć vynik, kali vybuch adbyvajecca ŭ zali, a nie ŭ vahonie. U pieršuju čarhu budzie dziejničać paražalny faktar pavietranaj udarnaj chvali. U niepasrednaj blizkaści ad vybuchu cisk katastrafična vysoki»,— skazaŭ jon.
Z ranicy paniadziełka — paśla taho, jak stała viadoma ab teraktach, — i da hetaha času ŭ staličnym mietro małaludna.
Niahledziačy na toje, što śledstva ŭžo pačało nieaficyjna havaryć pra «kaŭkazki śled» teraktaŭ, ni adna z hrupovak sieparatystaŭ pakul nie ŭziała adkaznaść za ich na siabie.
***
Pavodle apošnich źviestak, siarod zahinuŭšych i paciarpiełych u maskoŭskim mietro biełaruskich hramadzianaŭ nie było.
