Taksama milicyja ŭvarvałasia ŭ kvatery Andreja Sańnikava i Iryny Chalip, Iryny Koktyš, Natalli Radzinaj i inšych asobaŭ, źviazanych ź niezaležnymi partałami.
Vynosiać kamputary z kvatery Natalli Radzinaj
Natalla Radzina.
Vynosiać kamputar Kalinkinaj z "Narodnaj voli".
Śviatłana Kalinkina.
18:59
Prachodzić pieratrus na kvatery žurnalistki «Narodnaj voli» Maryny Koktyš na vulicy Kalvaryjskaj.
***
16:20
Kvatera «Chartyi'97» raźmiaščajecca ŭ budynku pa adrasie Kirava, 23 la budynka Centralnaha suda Minska - h.zn. byłoha Kołasaŭskaha liceja). Na kvatery byŭ praviedzieny pieratrus. Nalotčykaŭ było vosiem čałaviek.
Hałoŭnaja redaktarka Natalla Radzina viartałasia z abieda (15:15) — kvatera, jakuju jana aranduje, znachodzicca na 2-m paviersie. Kali jana admykała dźviery, vosiem čałaviek spuścilisia z treciaha pavierchu
i ŭvarvalisia ŭ kvateru, pryčym adzin ź ich pry hetym udaryŭ jaje ŭ tvar, zaznačaje žurnalistka.
Adzin ź vizitantaŭ pradstaviŭsia śledčym Alaksandram Čujem, dvoje inšych adrekamiendavalisia kapitanami milicyi biez ukazańnia proźviščaŭ, inšyja prosta «ścipła» ŭvarvalisia ŭ kvateru.
Natalla Radzina zaznačaje, što adzin z uvarvantaŭ byŭ u čornaj mascy, žartaŭliva vykrykvaŭ nacysckija łozunhi dy salutavaŭ nacysckim pryvitańniem.
Viziciory pakazali sankcyju na pieratrus, padpisanuju prakuroram Homielskaj vobłaści, h.zn.u ramkach «palaŭničaj spravy».
Paśla pačaŭsia pieratrus. Kampjutary byli zapakavanyja ŭ čornyja płastykavyja pakiety bieź pierapisvańnia imi sieryjnych numaroŭ.
Natalla Radzina źviazvaje nalot z pačatkam prezidenckaj kampanii Andreja Sańnikava, i ŭ pryvatnaści, jahonym učorašnim intervju.
Jana zaznačaje, što niahledziačy na padziei, sajt Chartyi'97 chutka adnović pracu.
Paśla taho, jak było skončana pakavańnie kampjutaraŭ, asoby, što pravodzili pieratrus, pasprabavali vyjści z budynka, ciahnučy z saboj kampjutary, ale pabačyŭšy žurnalistaŭ, schavalisia nazad. Urešcie padahnali mašynu i pahruzili arhtechniku i źjechali.
* * *
Prykładna ŭ hety ž samy čas - 15:15 - 15:30 - u kvateru Andreja Sańnikava taksama ŭvajšli milicyjanty, jakija pakazali order na pieratrus, padpisany prakuroram Homielskaj vobłaści.
Kanfiskujuć kamputar, vinčestar, fłeški, navat dyskiety, jakimi nichto nie karystajecca kolki hod.
Usio ž vizitanty potym razbudzili dzicia Sańnikava, zajšoŭšy ŭ toj pakoj i zrabiŭšy tam pieratrus. Zabrali dyski ź dziciačymi fatazdymkami.
A voś kaardynatar Chartyi'97 Dźmitry Bandarenka paprostu nie puściŭ u chatu niaprošanych vizicioraŭ.
16:52
Pravodzicca pieratrus i ŭ redakcyi niezaležnaj haziety «Narodnaja vola».
Kanfiskujuć pracoŭny kampjutar šef-redaktara haziety Śviatłany Kalinkinaj. Pryčym spačatku pryjšli ŭ kvateru Śviatłany Kalinkinaj, a potym u redakcyju haziety.
Pakazali papieru, zhodna ź jakoj
Śviatłana Kalinkina źjaŭlajecca hałoŭnym redaktaram Chartyi'97.
Žurnalistka skazała, što heta absurd i jana nijakaha dačynieńnia da sajta Chartyi'97 nie maje. Ale heta nie spyniła niaprošanych vizicioraŭ, i jany stali pravodzić pieratrus. Praŭda, u adroźnieńnie ad pieratrusu na kvatery Natalli Radzinaj, siły rabotnikaŭ milicyi źmienšylisia na 35%. Try havaraščyja kurtki stali na ŭvachodzie, dvoje rabili pieratrus.
Cikava, što dźvie paniatyja žančyny ŭ «Narodnaj voli» tyja ž, što byli paniatymi ŭ kvatery Natalli Radzinaj. Žurnalisty ich paznali i pakazvajuć palcam.
