Ilustracyjny zdymak. Fota: Getty Images
Niazručnaja moda
Moda na vialikija multymiedyjnyja sensarnyja ekrany pryviała da taho, što interjer sučasnych aŭto mała čym adroźnivajecca adzin ad adnaho. Ale heta nie asnoŭnaja prablema, vyklikanaja zachapleńniem aŭtavytvorcaŭ vialikimi ekranami i admovaj ad fizičnych knopak.
Vyniki roznych apytańniaŭ śviedčać, što daloka nie ŭsim aŭtaamataram daspadoby takija novaŭviadzieńni.
Sensarnyja ekrany patrabujuć ad kiroŭcy pieravodu pohladu z darohi na ekran, u toj čas jak na aŭtamabilach ź fizičnymi knopkami i kruciołkami kiravańnie bolšaściu funkcyj ažyćciaŭlajecca navobmacak.
Daśledavańnie šviedskaj kampanii Vi Bilägare, praviedzienaje jašče ŭ 2022 hodzie, pakazała, što dla aktyvacyi anałahičnych funkcyj na aŭto z tačskrynam spatrebicca amal u dva z pałovaj razy bolš času, čym na aŭtamabilach biez sensarnych panelaŭ.
Ilustracyjny zdymak. Fota: «Naša Niva»
Sensarnyja paneli niebiaśpiečnyja?
Na toje, što raznastajnyja sensarnyja elemienty kiravańnia ŭpłyvajuć na biaśpieku, niadaŭna źviarnuła ŭvahu aŭtarytetnaja jeŭrapiejskaja asacyjacyja Euro NCAP, jakaja pravodzić kraš-testy i stavić mašynam zorački za biaśpieku.
Zhodna z novymi rehłamientam, jaki ŭstupaje ŭ siłu z 2026 hoda, padyspytnyja madeli nie zmohuć pretendavać na maksimalny piacizorkavy rejtynh, kali ŭ ich buduć adsutničać abaviazkovyja, na dumku Euro NCAP, fizičnyja elemienty kiravańnia.
Nie ŭsie vytvorcy padchapili trend
Tym nie mienš, daloka nie ŭsio aŭtavytvorcy vyrašyli admovicca ad fizičnych knopak, zamianiŭšy ich vialikimi multymiedyjnymi sensarnymi ekranami.
Tak, naprykład, u kampanii Alfa Romeo zajavili, što nie majuć namieru ŭstaloŭvać šyrokafarmatnyja dysplei i pierahružać aŭtamabili lišnimi funkcyjami.
Kiraŭnik Alfa Romeo raspavioŭ, što kampanija praviała ŭłasnaje daśledavańnie, pa vynikach jakoha vyśvietliłasia, što klijentam brenda nie patrebnyja šyrokafarmatnyja dysplei na piaredniaj paneli aŭtamabila.
Fota: skrynšot z sajta Alfa Romeo
Kampanija Hyundai taksama zajaviła, što pry prajektavańni aŭtamabilnych elemientaŭ kiravańnia budzie addavać pieravahu knopkam i cyfierbłatam.
Kiraŭnik BMW Group Olivier Cypsie letaś nazvaŭ pamyłkaj žadańnie aŭtavytvorcyŭ «abklejvać» prybornuju panel infarmacyjna-zabaŭlalnymi dysplejami. Jon ličyć, što hetaja tendencyja praciahniecca niadoŭha. Taksama kiraŭnik BMW nahadaŭ, što mienavita adciahvańnie ŭvahi kiroŭcy źjaŭlajecca asnoŭnaj pryčynaj avaryj.
Kampramis znojdzieny
Jaki łahier u vyniku stanie pieramožcam u baraćbie pamiž fizičnymi knopkami i tačskrynam, pakul nieviadoma. Ale vyhladaje, što niekatoryja aŭtavytvorcy znajšli kampramisny varyjant.
Tak, naprykład, kampanija Xiaomi, jakaja tolki naprykancy 2023 hoda prezientavała svoj pieršy aŭtamabil, prapanuje fizičnyja knopki dla kiravańnia klimat-kantrolem i multymiedyja ŭ jakaści dadatkovaha abstalavańnia.
Fota: skrynšot ź videa
Dadatkovyja knopki možna budzie nabyć asobna, panel macujecca da nižniaha kraju centralnaha ekrana.
Čytajcie taksama:
Kitajski aŭtapram zavajoŭvaje śviet. Nie biez dapamohi Zachadu
Xiaomi prezientavała svoj pieršy elektramabil
U Jeŭrasajuzie mohuć admianić zabaronu na prodaž dyzielnych i bienzinavych aŭto z 2035 hoda
