Krymski most. Fota: Maxar
Bomba, jakuju vykarystoŭvali dla vybuchu na moście, była zasnavanaja na rakietnym palivie i mieła mahutnaść 10 ton tratyłavaha ekvivalentu. Jana spracavała ad sihnału GPS-navihatara, pryjšli da vysnovy ekśpierty, piša kommersant.com
Asnoŭnym zaradam stała sumiesievaje vybuchovaje rečyva na asnovie ćviordaha rakietnaha paliva, jakoje źmiaščaje pierchłaraty kaliju abo natryju, a taksama drobnadyśpiersnyja mietały, zaklučyli ekśpierty. Pa ich viersii, samarobnuju bombu schavali pad polietylenavaj plonkaj taŭščynioj 0,1 mm, jaje ščylny płast staŭ abałonkaj pryłady.
Jak skazana ŭ zaklučeńni ekśpiertaŭ, «dla detanacyi» ŭžyli zamiežnaje vybuchovaje rečyva na asnovie hieksahienu — chutčej za ŭsio, C-4 abo PE-8. Schavany pad plonkaj detanatar spracavaŭ ad sihnału GPS-navihatara «ŭ momant prachodžańnia zahadzia zadadzienaha punktu maršrutu».
Śledčyja pryjšli da vysnovy, što vybuch arhanizavaŭ staršynia SBU Vasil Maluk.
Sam jon raspaviadaŭ, što asabista raspracavaŭ i realizavaŭ apieracyju, pryčym mahutnaść vybuchoŭki acaniŭ inakš: «rułonami zabili ceły kantejnier — ich sumarnaja vaha ŭ traciłavym ekvivalencie adpaviadała 21 tonie». Kiraŭnik SBU padkreśliŭ, što ŭkrainskija apieratyŭniki dziejničali samastojna, biez dapamohi zvonku.
Vybuch na Krymskim moście prahrymieŭ ranicaj 8 kastryčnika 2022 hoda. Vybuchnuŭ hruzavik, u vyniku čaho abrynulisia dva aŭtamabilnyja praloty, na čyhunačnaj častcy zaharelisia cysterny z palivam hruzavoha ciahnika, jaki ŭ hety čas prachodziŭ pa moście. Zahinuli čatyry čałavieki.
U lutym nastupnaha hoda na moście paśla ramontu całkam adkryli ŭsie pałosy dla lehkavych mašyn, a ŭ mai byŭ adnoŭleny ruch pa čyhunačnaj častcy.
Čytajcie taksama:
Zialenski paabiacaŭ razburyć Krymski most padčas novaha kontrnastupu
Ukrainskaja raźviedka rychtuje novuju ataku na Krymski most
Rasijskaja prapahanda vyznačyła čatyry masty Niamieččyny dla «ŭdaru ŭ adkaz» za Krymski most
