Rekordna nizkaja tempieratura — minus 31 hradus pa Celsii — zafiksavanaja ŭ noč na paniadziełak u Biełastoku, paviedamiła Biuro prahnozaŭ Instytuta mietearałohii i vodnaj haspadarki.
Słupok termomietra ŭ Polščy hetaj nočču apuścicca da minus 30 hradusaŭ. Pry tym, što na Novy hod słupok termomietra pakazvaŭ minus try‑piać hradusaŭ. Jak adznačajuć mietearołahi, na Polšču abrynulisia chałodnyja masy arktyčnaha pavietra.
U Biełastoku ranicaj z‑za marazoŭ nie zmahli vyjechać na maršruty niekalki haradskich aŭtobusaŭ. Miascovaja palicyja adznačyła na vulicach horada małuju intensiŭnaść ruchu — mnohija aŭtaamatary nie zmahli zavieści svaje mašyny.
U Hajnaŭcy było znojdziena cieła 54‑hadovaha mužčyny, jaki zamiorz na vulicy.
Sinoptyki adznačajuć, što ciapierašniaja noč była, vierahodniej za ŭsio, samaj chałodnaj u studzieni.
0
0
0
0
0
0