Uviečary 17 červienia vadałazy MNS dastali z vady cieła 21-hadovaha žychara Bresta, jaki skoknuŭ u raku Muchaviec z čyhunačnaha mosta.
Kampanija maładych ludziej adpačyvała na bierazie raki Muchaviec u mikrarajonie Vyčułki. Paśla raśpićcia śpirtnoha 21-hadovy žychar Bresta zachacieŭ skoknuć u raku z čyhunačnaha mosta. Adzin z tavaryšaŭ jaho padtrymaŭ, paviedamili papiaredniuju viersiju ŭ pres-słužbie UUS Bresckaha abłvykankama.
Paśla skačka vypłyć zdoleŭ tolki adzin ź ich. Cieła inšaha praz paŭhadziny dastali z vady vadałazy MNS. Zahinuły skakaŭ z najvyšejšaj kropki mosta.
U sacyjalnych sietkach adzin ź vidavočcaŭ trahiedyi rastłumačyŭ, što siabry sprabavali adhavaryć chłopca ad skačka.
«Jaho apošnija słovy kali havaryli nie skačy «Ja nie razabjusia», — napisaŭ karystalnik.
Pravierku pa fakcie hibieli maładoha čałavieka pravodzić Brescki mižrajonny adździeł Śledčaha kamiteta. Dla ŭstanaŭleńnia dakładnaj pryčyny śmierci pryznačana sudova-miedycynskaja ekśpiertyza.
