fota z fejsbuka Michasia Jančuka
Kiraŭnik Libieralna-demakratyčnaj partyi Biełarusi Siarhiej Hajdukievič vystupiŭ ź niečakanaj prapanovaj apazicyjnym dziejačam. Jon u čarhovy raz zajaviŭ pra svoj namier paŭdzielničać u bližejšych prezidenckich vybarach. U vypadku, kali jaho kandydaturu padtrymajuć apazicyjaniery, Hajdukievič hatovy zaprasić ich «va ŭrad».
Alaksandru Milinkieviču (ruch «Za Svabodu») prapanavanaja pasada vice-premjera, Uładzimiru Niaklajevu (były kiraŭnik kampanii «Havary praŭdu») — namieśnika ministra kultury, Taćcianie Karatkievič («Havary praŭdu») — načalnika ŭpraŭleńnia Ministerstva pracy i sacyjalnaj abarony, Andreju Dźmitryjevu («Havary praŭdu») — namieśnika ministra finansaŭ, Alaksieju Janukieviču (Partyja BNF) — namieśnika ministra pracy i sacyjalnaj abarony, Vitalu Rymašeŭskamu (arhkamitet pa stvareńni partyi BCHD) — načalnika ŭpraŭleńnia Ministerstva sportu i turyzmu, Paŭłu Sieviaryncu (BCHD) — staršyni kamiteta pry Saŭminie pa spravach relihij, Siarhieju Kalakinu(Biełaruskaja partyja levych «Spraviadlivy śviet») — ministra pracy i sacyjalnaj abarony.
Pres-słužba ŁDPB adznačaje, što Siarhiej Hajdukievič vyrašyŭ pajści na taki krok «z ulikam situacyi, jakaja skłałasia ŭ apazicyi i niemahčymaściu vysunuć adzinaha kandydata ŭ prezidenty».
