Reuters.com
Prezident Ukrainy Piatro Parašenka zaprosić u krainu miratvorčuju misiju AAN, paviedamlaje Bi-Bi-Si.
Na pasiadžeńni RNBA ŭ sieradu Parašenka taksama skazaŭ, što najlepšym z punktu hledžańnia Kijeva farmatam miratvorčaha kantynhientu stała b palicejskaja misija Jeŭrasajuza.
«Upeŭnieny ŭ tym, što heta budzie najbolš efiektyŭnym i najbolš aptymalnym harantam biaśpieki ŭ situacyi, kali abiacańni miru nie vykonvajucca ni Rasijaj, ni tymi, kaho jana padtrymlivaje», — zajaviŭ prezident Ukrainy.
Hienieralny sakratar NATA Jens Stołtenbierh iznoŭ źviarnuŭsia da Rasii z zaklikam spynić dapamohu sieparatystam na ŭschodzie Ukrainy.
U svaju čarhu sakratar RNBA Alaksandr Turčynaŭ skazaŭ, što Miratvorčaja misija AAN pavinna być raźmieščana ŭzdoŭž linii raźmiežavańnia i niekantralavanych učastkaŭ dziaržaŭnaj miažy.
«My taksama možam prahnazavać, što toje, što adbyvajecca siońnia, heta nie spynieńnie, a navat aktyvizacyja vajennych dziejańniaŭ — toje, što było vakoł Debalcava; toje, što zaraz adbyvajecca ŭ siektary «M», heta značyć niedaloka ad horada Maryupala, što heta moža mieć chraničny charaktar. I dla taho, kab spynić hetyja pravakacyi, dla taho, kab nie davać mahčymaść Rasijskaj Fiederacyi śpiekulavać i jość prapanova nakont uviadzieńnia na terytoryju Ukrainy miratvorcaŭ, jakija pavinny stajać jak uzdoŭž linii sudakranańnia, tak i ŭzdoŭž niekantralavanaha ŭčastka rasijska-ŭkrainskaj miažy», — padkreśliŭ Turčynaŭ.
