«Prastora «Cech» była papularnym miescam u tvorčaj moładzi.
Kuratarka tvorčaj majsterni «Cech» Julija Daraškievič raskazała karespandentu sajta kyky.org Dźmitryju Mielechaŭcu, što ŭładalnik budynka BelSwissBank skasavaŭ damovu arendy: «Hetuju cudoŭnuju papieru nam ŭručyli 31 śniežnia.
Pradstaŭnik banka, Illa Čarnavok, patelefanavaŭ i skazaŭ, što choča pavinšavać nas i padaryć suvienirnuju pradukcyju BelSwissBank. Razam z pakietam proma-pradukcyi nam ŭručyli apaviaščeńnie pra toje, što z nami nie praciahvajuć damovu z 13 lutaha. Pryčyny nam tłumačyć admovilisia.
Žurnalistam ža pradstaŭniki banka skazali, što heta kamiercyjnaja tajamnica i sakret firmy, a paviedamić ab pryčynach jany mohuć tolki nam. Ale ŭ naš bok hučali tolki tajamničyja namioki, šeptam: «Heta ŭsio nie ad nas zaležyć». Ja bajusia vykazać zdahadku, ad kaho», — kaža Daraškievič.
«Razam z tym palityčny matyŭ byŭ by davoli dziŭnym, bo my nie supracoŭničali z palityčnymi arhanizacyjami, jakija nie pravodzili nijakich akcyj. Usio, što ŭ nas było — heta adukacyja, kultura i tvorčaść», — vykazvaje nieŭrazamieńnie Daraškievič.
«My płacim 11 jeŭra za kvadratny mietr. Nielha skazać, što heta samaja vialikaja arenda pamiaškańnia pa Minsku, ale heta zakinuty zavod u žudasnym stanie. Da nas tut było piekła!» — kaža Daraškievič.
«Cech» sam zrabiŭ ramont adnoj sa svaich załaŭ.
Fota 34mag.net.
Sa słovaŭ Daraškievič, u zimovy pieryjad jany płacili tolki kamunalnych płaciažoŭ na 17 miljonaŭ rubloŭ.
Daraškievič nie vyklučaje, što budzie šukać novaje pamiaškańnie-łoft taksama na adnych z zakinutych zavodaŭ.
