Na asnovie analityčnych spravazdač Google, KPMG i NASSCOM my skłali śpis technałahičnych trendaŭ, jakija ŭžo źmianili naša žyćcio, a ŭ samaj chutkaj budučyni akažuć samy istotny ŭpłyŭ na naš ład žyćcia, zvyčki, viadzieńnie biznesu, pryvatnaje žyćcio.
Čym technałohii mohuć nam dapamahčy i jakimi inavacyjami my ŭžo karystajemsia — adkazy ŭ artykule.
1. Bieśpierapynnaść biznesu.
Siońnia vidavočna, što ŭ pracy kampanii nie moža być vychodnych, adpačynkaŭ abo prastojaŭ z-za niaspraŭnaści abstalavańnia i niepracujučych prahram. Biźnies-pracesy adbyvajucca bieśpierapynna, a nie tak, jak u savieckich kramach i ŭ śfiery absłuhoŭvańnia. Pry hetym, kali raniej ličyłasia, što zabiaśpiečvać bieśpierapynnaść biznesu dla małych pradpryjemstvaŭ vielmi zatratna — treba płacić supracoŭnikam za pracu ŭ pazaŭročny čas, nabyvać darahoje abstalavańnie i prahramy, — to zaraz usio źmianiłasia.
Robiacca ŭsio bolš papularnymi technałohii, jakija dajuć mahčymaść lubomu supracoŭniku pracavać addalena i nie dapuskajuć poŭnaha adklučeńnia aktyvaŭ kampanii ŭ vypadku zboju. Pierš za ŭsio, havorka idzie pra servisy bieśpierapynnaj kamunikacyi, takija, jak Microsoft Lynk, mahčymaść addalenaj pracy z karparatyŭnaj poštaj, buchhałtarskimi prahramami i inšym PZ, dziakujučy raźmiaščeńniu ich u internet. U lubym miescy, u luby čas praz noŭtbuk, płanšet ci mabilny telefon možna praviarać poštu, atrymlivać fajły, zachoŭvać ich u ahulnym dostupie, pracavać u prahramach i zajmacca zvykłymi spravami.
2. Drony paŭsiul.
Aŭtanomnyja, minijaciurnyja latalnyja mašyny nie źjaŭlajucca čymści novym. Ale jany stanoviacca papularnymi jak nikoli raniej. Nieŭzabavie dasiahnieńni ŭ halinie robatabudavańnia zrobiać nieba zasielenym dronami, jakija buduć vykarystoŭvacca dla samych roznych patreb: dastaŭki tavaraŭ, nabytych u internet-kramach, praduktaŭ charčavańnia ŭ haładajučyja krainy, sačeńnia i inšych. A samakiravalnyja mašyny chutka buduć zdolnyja sami dastaŭlać siabie i nas zaadno da patrebnaha miesca pryznačeńnia, zaparkavacca i stać u haraž. Jany raźličać lepšy maršrut, čas u šlachu, praduhledziać usie niuansy, pabačać niebiaśpieki i pieraškody. Bolšaść jeŭrapiejskich daroh užo siońnia hatovyja dla samakiravalnaha darožnaha trafiku.
3. Sumiaščeńnie asabistych i karparatyŭnych pryład.
Pavodle daśledavańniaŭ Cisco, tolki ŭ Rasii 55% pracaŭnikoŭ razumovaj pracy tak ci inakš vykarystoŭvajuć kancepcyju BYOD (Bring your own device — pryniasi svaju pryładu), što značyć vykarystańnie asabistych mabilnych pryład u pracoŭnych metach. Paniaćcie «być na pracy» nabyvaje novaje značeńnie. Hyper-connected — tak nazyvajuć ludziej, jakija navat u śnie trymajuć smartfon u rukach. Pieršaje, što čałaviek robić, pračnuŭšysia, — praviaraje pracoŭnuju poštu. I apošniaje, što jon robić pierad snom, — taksama praviaraje pracoŭnuju poštu.
Pracavać dzie zaŭhodna biez pryviazki da peŭnaj pryłady dazvalajuć vyrašeńni pa sumiaščalnaści pracoŭnaha i asabistaha profilu na adnym devajsie. Supracoŭnik zmoža atrymać dostup da dakumientaŭ kampanii, kantaktaŭ, pošty niezaležna ad taho, dzie jon znachodzicca. Kampanija Samsung užo siońnia ŭstaloŭvaje na svaje pryłady abałonku Knox, jakaja pryznačana dla zabieśpiačeńnia biaśpieki dadzienych dla pracy z pracoŭnaha i asabistaha profilu.
4. Pieramoha mabilnych technałohij.
Nastolnyja i mabilnyja pryłady bolš nie ŭjaŭlajuć saboj pryncypova roznyja kłasy z punktu hledžańnia ŭzajemadziejańnia z karystalnikami. Ciapier mabilnyja technałohii patrabujuć da sabie nie mienšaj uvahi, čym nastolnyja (i ŭ najbližejšaj budučyni, chutčej za ŭsio, buduć patrabavać navat bolšaj uvahi). I kampanii, jakija robiać krok u napramku mabilnych pryład, mohuć raźličvać nie tolki na padtrymańnie, ale i na viartańnie niekatoraj častki aŭdytoryi, toj, jakaja jašče nie paśpieła pieramachnuć da kankurentaŭ. Bolšaja častka bujnych kampanij užo raspracavała sajty, adaptavanyja dla ekranaŭ roznych pryład. Adnosna małoha i siaredniaha biznesu pytańnie ŭžo zaklučajecca navat nie ŭ tym, ci buduć jany padtrymlivać mabilnyja pryłady, a ŭ tym, kali jany da hetaha pryjduć.
5. Dapoŭnienaja realnaść (AR).
Hetym terminam nazyvajuć simbijoz našaj realnaści i virtualnaj, kampjutarnaj. Heta technałohii budučyni, jakaja ŭžo nastupiła. AR moža vykarystoŭvacca dzie zaŭhodna — virtualnaja prymieračnaja, navihacyjny šlach, hulni. Samy papularny prykład dapoŭnienaj realnaści — Google Glass — akulary dapoŭnienaj realnaści, raspracavanyja kampanijaj Google, źjaŭlajucca aŭtanomnaj pryładaj, kiravanaj z dapamohaj hołasu i žestaŭ. Jany robiać fatahrafii, zdymajuć videa, robiać paznaki, nanosiać pakazalniki i prapanujuć dadatkovuju infarmacyju. Oculus Rift — šlem virtualnaj realnaści z šyrokim polem zroku, nizkaj zatrymkaj i ŭmieranym koštam. Šyroka vykarystoŭvajecca ŭ hulniavych metach, a niadaŭna pryniaty na ŭzbrajeńnie dla tankistaŭ ŭ niekatorych jeŭrapiejskich krainach.
6. Vobłačnyja servisy.
«Abłoki» — samy abmiarkoŭvany trend apošnich hadoŭ. Vobłačnyja vyličeńni ŭvachodziać u lik pryjarytetnych napramkaŭ raźvićcia IT roznych krain. Vobłačnyja vyličeńni — heta biznes-madel, zhodna ź jakoj karystalnik apłačvaje tolki realna spažyvanyja im kampjutarnyja resursy. Pry hetym jon karystajecca zvykłymi kampjutarnymi prahramami praz svoj internet-braŭzier. Pradpryjemstvam bolš nie treba kuplać darahoje kampjutarnaje abstalavańnie, jany mohuć arandavać jaho ŭ «vobłaka», heta značyć — u internecie: zachoŭvać tam vielizarnyja masivy dadzienych, raźmiaščać prahramy z sumiesnym dostupam. Pavodle adnoj z kancepcyj, vobłačnyja vyličeńni ŭ samaj chutkaj budučyni pieratvoracca ŭ takuju ž zvykłuju pasłuhu, jak kamunalnaja słužba, jakaja budzie davać IT-pasłuhi dla pryvatnych i karparatyŭnych klijentaŭ. U našaj krainie pieršaje publičnaje vobłaka źjaviłasia ŭ 2010 hodzie. Jaho stvaralnik — adziny ekśpiert pa pabudovie abłokaŭ u našaj krainie — kampanija ActiveCloud.
7. Big data.
Kožny hod kampanii i asobnyja ludzi hienierujuć miljony terabajt infarmacyi. Dadzienyja, jakija naležnym čynam praanalizavanyja i vykarystany, mohuć pieratvarycca ŭ niepieramožnuju kankurentnuju pieravahu. Big Data mohuć dapamahčy pradaŭcam pradkazać pakupnickija pavodziny i paviedamić, jak jany ździajśniajuć kupli; bankam — adsiejać ašukanskija apieracyi; a ŭrad moža vykarystoŭvać ich dla akazańnia pasłuh niepasredna svaim hramadzianam.
8. Razumny dom.
Siońnia «razumny dom» — heta raznastajnyja sistemy kiravańnia aśviatleńniem, biaśpieki, kantrolu dostupu ŭ žyllo, rehulavańnia mikraklimatu, miechanizacyi haražnych dźviarej, kiravańnia žaluzi, elektroniki dla chatnich zabavak. Dla kiravańnia domam prosta i zručna vykarystoŭvać sučasnyja hadžety, takija jak smartfony i płanšety. Razumnyja vyrašeńni dapamahajuć ekanomić elektraenierhiju, vadu i elektryčnaść, zaścierahčysia ad rabavańniaŭ i kantralavać dziaciej.
9. «Vobłačnyja» schoviščy dadzienych dla mabilnych karystalnikaŭ.
Karystalniki pa ŭsim śviecie pačynajuć aktyŭna pieramiaščać dadzienyja ź piersanalnych sistem zachoŭvańnia, mabilnych telefonaŭ u «vobłaki», heta značyć, u Internet. Heta dazvolić pavialičyć abjom vykarystanych asabistych dadzienych i sprościć dostup da ich. Naprykład, kampanija MTS u Biełarusi zapuściła pasłuhu MTS Dysk-servis, jaki dazvolić chutka pieranieści dadzienyja na novy telefon, skapijavać fajły z pracoŭnaha kampjutara na chatni, mieć dostup da patrebnych fajłaŭ, fota, videa pad rukoj, ź luboj pryłady. Dastatkova ŭstalavać dadatak «MTS Dysk» na svoj smartfon abo kampjutar.
10. Sacyjalnyja miedyja.
Być u sacyjalnych miedyja stała abaviazkovym dla ŭsich arhanizacyj, ci to banki, kramy abo ŭrad. Bolš za miljard čałaviek siońnia karystajucca sacyjalnymi sietkami, kab atrymać paradu ab kupli, vodhuk pra budučaha pracadaŭcu, miescy adpačynku i inšaje. U toj čas jak bolšaść pradpryjemstvaŭ vykarystoŭvajuć sacyjalnyja miedyja dla kamunikacyj z klijentami, šmatlikija kampanii pačali vykarystoŭvać sacyjalnyja miedyja ŭ tandemie z prodažami i markietynham. Siłu sacyjalnych miedyja siońnia ciažka pieraacanić, bo narodnaja luboŭ moža padniać da niabiosaŭ, a hnieŭ — źniščyć bieź śledu. Kolkaść za tydzień ruskamoŭnych paviedamleńniaŭ u roznych sacyjalnych miedyja prykładna nastupnaja:
• Ukantakcie: 13 młn paviedamleńniaŭ;
• Tvitar: 37,5 młn paviedamleńniaŭ;
• LiveJournal: 640 000 paviedamleńniaŭ.
