U subotu bolš za 70 siemjaŭ pamierłych majdanaŭcaŭ pad Kabinietam ministraŭ u Kijevie patrabavali sustrečy z čynoŭnikami i spravazdačy ad siłavikoŭ ab vynikach rasśledavańnia.
Učora na zakrytaj naradzie milicyja i prakuratura adčytałasia pierad svajakami. Maŭlaŭ, užo zatrymali siemiarych, a astatnija — u vyšuku. U asnoŭnym, heta byłyja «bierkutaŭcy». Mnohija ź ich chavajucca ŭ Krymie i na Uschodzie krainy.
Sa svajho boku, vice-premjer Vital Jarema zapeŭniŭ, što da kanca tydnia siamji atrymajuć abiacanuju jašče try miesiacy tamu, materyjalnuju dapamohu ad dziaržavy. Jon taksama vybačyŭsia pierad baćkami za maŭčańnie i paabiacaŭ, što takija sustrečy zaraz pravodzić rehularna. Nastupnaja adbudziecca praź miesiac.
Svajaki zabitych majdanaŭcaŭ kažuć, što im nie patrebnyja lhoty abo hrošy. Im važna daviedacca, chto zamaŭlaŭ i chto zabiŭ ludziej na Majdanie.
