 Styŭ Bałmer |
Jak raskazaŭ BiełaPAN staršynia pinskaj jaŭrejskaj abščyny Iosif Libierman, jaki supravadžaŭ S.Bałmiera, biźniesmien pryjechaŭ u Pinsk ź siastroj. Hetuju pajezdku jon naładziŭ siastry ŭ jakaści padarunka da jaje 50‑hodździa.
Nieaficyjny vizit prezident «Microsoft» u Biełaruś doŭžyŭsia adzin dzień — 25 kastryčnika. Bałmier i jaho siastra naviedali miescy, źviazanyja ź jaŭrejskaj historyjaj Pinska, pabyvali ŭ Muziei biełaruskaha Paleśsia, a taksama pahladzieli vystavu jaŭrejskich mastakoŭ, jakaja tam demanstrujecca. Na adnych z haradskich jaŭrejskich mohiłak miascovy historyk pakazaŭ słavutamu hościu miesca, dzie pachavany jaho pradzied. Ściŭ Bałmier ź siastroj pabyvali taksama kala budynka piakarni, jakaja kaliści naležała jaho dziadźku. Naviedaŭ S.Bałmier i pinskuju sinahohu, dzie pahutaryŭ z ravinam Moše Fimam i zapaliŭ śviečki ŭ pamiać ab zahinułych prodkach.
Pavodle słoŭ I.Libiermana, hościu padaryli śpiecyjalnuju menoru, pryviezienuju ź Izraila, z nadpisam «U honar pamiaci dziaduli Šłomy Dvorkina, mamy Bieatryče i 6 miljonaŭ jaŭrejaŭ, jakija zahinuli ŭ hady Chałakosta», a taksama suvieniry, knihi i karciny ab Pinsku i Pinskim rajonie.
