Začystka piensijanieraŭ na rynku ŭ Pinsku — videa 78

Pinskaja milicyja zładziła abłavu na piensijanieraŭ, jakija handlavali praduktami.

Pažyłyja žychary horada ŭžo daŭno pradajuć harodninu i sadavinu, vyraščanyja na ŭłasnych prysiadzibnych učastkach, a taksama jahady i hryby kala ŭvachodu na mini-rynak «Zachodni». Supracoŭniki milicyi i raniej sprabavali pieraškodzić hetamu, adnak abmiažoŭvalisia tym, što razhaniali handlaroŭ ci papiaredžvali ab adkaznaści. Adnak, u niadzielu 7 lipienia jany praviali sapraŭdnuju začystku terytoryi kala rynka.

Ludziej siłaj zakidvali ŭ mašyny, a sumki z praduktami, jakimi jany handlavali, kidali na ziamlu.

Piensijanieram vykručvali ruki, źbivali ich, ciahali za vałasy, rvali vopratku. Usiaho, pa śviedčańni vidavočcaŭ, było zatrymana kala 10 čałaviek.

Incydent pryciahnuŭ uvahu hramadskaści.

Ludzi jakija sabralisia kala mini-rynku, hučna vykazvali svajo abureńnie i sprabavali abaranić piensijanieraŭ. Mnohija zdymali dziejańni supracoŭnikaŭ milicyi na mabilnyja telefony.

Dalejšy los zatrymanych nieviadomy.

U RAUS Pinska zajavili, što milicyja časam pravodzić tłumačalnuju pracu ab niedapuščalnaści niezakonnaha vuličnaha handlu. Pry hetym u RAUS patłumačyli, što nikoha ŭ rajonie rynku «Zachodni» 7 lipienia nie zatrymlivali.

Chartyja'97

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH