Zatrymany pa padazreńni ŭ publičnaj demanstracyi parnahrafii 13 krasavika supracoŭnik TDA «Redakcyja prahramy televiaščańnia «BiełMuzTV» rastłumačyŭ svaje dziejańni pryhniečanym psichičnym stanam, jaki ŭźnik u jaho paśla taho, jaka jon pasvaryŭsia ź dziaŭčynaj,paviedamiŭ aficyjny pradstaŭnik Upraŭleńnia Śledčaha kamiteta Biełarusi pa Minsku Alaksandr Hierasimaŭ.
Pavodle jaho słoŭ, žychar Minska, uradženiec Mahilova 1985 hoda naradžeńnia byŭ zatrymany 15 krasavika ŭ 0.45 u abłasnym centry supracoŭnikami ŭpraŭleńnia pa narkakantroli i supraćdziejańni handlu ludźmi HUUS Minharvykankama sumiesna z kalehami UUS Mahiloŭskaha abłvykankama. Hetaj ža nočču jaho dastavili ŭ Minsk. Ciapier z zatrymanym pravodziacca śledčyja dziejańni.
14 krasavika ŭpraŭleńniem Śledčaha kamiteta pa Minsku ŭ dačynieńni da jaho była raspačata sprava pa č. 2 art. 343 KK (publičnaja demanstracyja materyjałaŭ parnahrafičnaha źmiestu z vykarystańniem sietak elektrasuviazi ahulnaha karystańnia).
Dziejańni supracoŭnika telekanała «BiełMuzTV», jaki ŭklučyŭ 13 krasavika ŭ efirny błok parnahrafičny rolik, «byli nakiravanyja suprać hledačoŭ»,zajaviŭ dyrektar hetaha telekanała Alaksandr Kapionkin.
Telekanał, dadaŭ jon, užo aficyjna vybačyŭsia pierad svajoj aŭdytoryjaj za «techničny zboj», raźmiaściŭšy adpaviednuju infarmacyju na sajcie.
0
0
0
0
0
0