Pamior Viktar Čarnoŭ — viadomy palitołah, navukoviec, vykładčyk. I prosta dobry, dobry čałaviek.
Viktar byŭ siabrom Abjadnanaj hramadzianskaj partyi z momantu jaje stvareńnia. Jaho navukovyja intaresy byli nakiravany na vyvučeńnie palityčnych sistem, sposabaŭ arhanizacyi ŭłady, adkaznaści ŭłady pierad hramadstvam. Jaho palityčnyja intaresy harmanavali z navukovymi: jon imknuŭsia sadziejničać stanaŭleńniu efiektyŭnaj i adkaznaj pierad ludźmi ŭłady ŭ Biełarusi.
Viktar achvotna dzialiŭsia svaimi viedami, vučyŭ ludziej, jak kampietentna ŭdzielničać u pryniaćci hramadskich rašeńniaŭ, raspracoŭvaŭ prapanovy pa palityčnaj reformie.
Jon vykładaŭ va univiersitetach, adkul jaho pieryjadyčna vyhaniali za valnadumstva «ideołahi». Jon byŭ arhanizataram i kiraŭnikom mnohich kursaŭ pa hramadzianskaj adukacyi, u tym liku i partyjnaj škoły AHP.
U našaj krainie zusim niašmat ludziej, jakich možna było b nazvać
Hublajučy takich ludziej, razumieješ, što heta katastrofa, zamianić ich niama kim. Viadoma, buduć inšyja, jany buduć pracavać, ale… Ale prychodzić uśviedamleńnie što zhublena tak šmat, što kampiensavać heta niemahčyma. Zastalisia knihi, artykuły, napisanyja Viktaram Čarnovym, videazapisy jaho lekcyj, zastalisia jaho vučni, jaho kalehi i siabry.
My budziem pamiatać jaho i praciahvać jaho spravu.
Abjadnanaja hramadzianskaja vykazvaje svaje spačuvańni rodnym i siabram Viktara Čarnova. Možna paspačuvać i Biełarusi, jakaja straciła hetaha vučonaha i sapraŭdnaha hramadzianina. My vierym, što praca i idei Viktara Čarnova dapamohuć našym hramadzianam pabudavać sapraŭdnuju jeŭrapiejskuju demakratyčnuju krainu. Krainu, u jakoj budzie adkaznaja pierad hramadzianami, demakratyčna vybirajemaja ŭładu. Krainu, pra jakuju Viktar maryŭ.
