U zaviadzieńni kryminalnaj spravy pa vynikach pravierki ŭstanovy «Redakcyja časopisa „Arche-Pačatak “» admoŭlena. Takuju infarmacyju paviedamiŭ 22 sakavika buchhałtaru ŭstanovy Alenie Kazłovaj advakat, jaki pradstaŭlaje intaresy redakcyi.
Supracoŭnik Upraŭleńnia Departamienta finansavych rasśledavańniaŭ pa Minsku i Minskaj vobłaści Kamiteta dziaržkantrolu, adkazny za pravierku dziejnaści ŭstanovy «Redakcyja časopisa „
Kali infarmacyja adpaviadaje rečaisnaści, to rachunak ustanovy, jaki byŭ zabłakavany z 4 kastryčnika minułaha hoda, pavinien być razbłakavany.
Nahadajem, što prablemy ŭ časopisa pačalisia 14 vieraśnia 2012 hoda z zatrymańnia byłoha hałoŭnaha redaktara «Arche» Valera Bułhakava.Supracoŭniki milicyi i padatkovaj inśpiekcyi zatrymali jaho ŭ Hrodnie na prezientacyi knihi Ja. Šumskaha «Savietyzacyja Zachodniaj Biełarusi» i abvinavacili ŭ niezakonnaj pradprymalnickaj dziejnaści.
21 vieraśnia supracoŭniki ŭpraŭleńnia Departamienta finansavych rasśledavańniaŭ (UDFR) pryjšli ŭ drukarniu, dzie vydavaŭsia časopis, z pravierkaj. 24–28 vieraśnia z drukarni byli zabranyja ŭsie dakumienty za apošnija dva hady dziejnaści časopisa. 2 kastryčnika było aryštavana bolš za 5 tysiač asobnikaŭ knih z asabistaj kalekcyi Bułhakava.
4 kastryčnika va UDFR byŭ vyklikany zasnavalnik časopisa «Arche» Andrej Dyńko. Paśla hetaha było pryniata rašeńnie vyzvalić Bułhakava ad pasady hałoŭnaha redaktara «Arche», kab vyratavać vydańnie. U miežach pravierki dziejnaści redakcyi Upraŭleńnie DFR pa Minskaj vobłaści i h. Minsku vyniesła pradpisańnie prypynić apieracyi pa rachunkach
Chadajnictva HA «BAŽ» ab razbłakavańni rachunku redakcyi časopisa Departamient finansavych rasśledavańniaŭ adchiliŭ, spasłaŭšysia na niepradastaŭleńnie šerahu patrebnych dakumientaŭ. Pradstaŭniki redakcyi, sa svajho boku, nazyvajuć hetyja pretenzii biespadstaŭnymi.
18 kastryčnika Valer Bułhakaŭ za niezakonnuju pradprymalnickuju dziejnaść byŭ aštrafavany na 500 tysiač rubloŭ. U pačatku listapada Bułhakaŭ pakinuŭ Biełaruś, aścierahajučysia kryminalnaha pieraśledu.
