Samaj čystaj rakoj Biełarusi na siońnia ličycca Nioman. Pra heta paviedamili pradstaŭniki Minpryrody na pres-kanfierencyi, pryśviečanaj Suśvietnamu dniu vodnych resursaŭ.
Adnoj z hałoŭnych pryčyn zachavańnia čyścini źjaŭlajecca małaja ščylnaść nasielnictva ŭ vytoku raki, a taksama častki jaje basiejna, što mieścicca na terytoryi našaj krainy.
«Hałoŭnaj krynicaj zabrudžvańnia vodnych resursaŭ źjaŭlajucca ludzi — my z vami», — padkreśliŭ načalnik upraŭleńnia rehulavańnia ŭździejańnia na atmaśfiernaje pavietra i vodnyja resursy Minpryrody Siarhiej Zaŭjałaŭ. I heta adna z hałoŭnych pryčyn, čamu Śvisłač u Minsku i Minskim rajonie adnosicca da najbolš zabrudžanych rekaŭ.
Da najbolš zabrudžanych vodnych abjektaŭ taksama adnosiacca Biarezina (nižej za Barysaŭ), Plisa (vyšej za Žodzina), Zachodni Buh vyšej za Brest, Muchaviec (u rajonie Kobryna i Žabinki), Jasielda (nižej za Biarozu) i šerah inšych.
***
Suśvietny dzień vodnych resursaŭ — adznačajecca štohod 22 sakavika. Abvieščany Hienieralnaj Asamblejaj AAN u 1993 hodzie.
2013 h. abvieščany Hienasamblejaj AAN Mižnarožnym hodam vodnaha supracoŭnictva.
Hladzi taksama: Biełaruskaja vada ŭ ličbach
