Міжнародная даследчая місія на Марс AMADEE-24 праводзіцца Аўстрыйскім касмічным форумам ва ўзаемадзеянні з Армянскім касмічным агенцтвам.
Па ўмовах эксперыменту, каманда з 6 даследчыкаў з Аўстрыі, Германіі, Ізраіля, Італіі і Вялікабрытаніі жывуць і праводзяць даследаванні ў спецыяльна распрацаваным для іх ізаляваным асяроддзі пасялення. Пакідаць яе можна толькі ў прататыпе марсіянскага скафандра. Эксперымент завершыцца 5 красавіка.
Навукоўцы тэстуюць розныя тэхналогіі, якія могуць спатрэбіцца на Марсе, напрыклад, спрабуюць вырошчваць гародніну ў спецыяльна створаным мікраклімаце і даследуюць паверхню пры дапамозе робатаў.
Важным момантам лічаць псіхалагічную падрыхтоўку касмічнага экіпажа, які ў выпадку палёту на Марс будзе надоўга адарваны ад роднай планеты.
Навукоўцы лічаць, што чалавек зможа трапіць на Марс не раней за 2030 год.
Чытайце таксама:
9-гадовая беларуска запатэнтавала вынаходку. Для сябе меншую, а для дзядулі большую
