Падчас візіту ў Беларусь Хілары Клінтан разам з жонкай Станіслава Шушкевіча развозілі гуманітарную дапамогу па дзіцячых бальніцах і сустракаліся з кіраўніком балетнай трупы Нацыянальнага тэатра Валянцінам Елізарʼевым.
Разам з Хілары Клінтан відэа глядзела Мелані Вервір, якая была кіраўніцай кабінета Клінтан і таксама наведвала Мінск.
Апошні візіт прэзідэнта ЗША ў Мінск адбыўся 30 гадоў таму — 15 студзеня 1994 года ў Беларусь прылятаў Біл Клінтан.
Клінтаны былі ў Мінску ўсяго шэсць гадзін. Прэзідэнт ЗША сустрэўся са старшынёй Вярхоўнага Савета Беларусі Станіславам Шушкевічам. Бакі падпісалі Дагавор аб узаемнай абароне інвестыцый. 42-гі прэзідэнт ЗША таксама паразмаўляў з ветэранамі вайны на Плошчы Перамогі, прачытаў лекцыю моладзі ў Акадэміі навук і зʼездзіў ва ўрочышча Курапаты.
Чытайце таксама:
