Знайсці
Даслаць навіну Фундаваць НН
бел / рус
Спецпраект
Спецпраект

Беларускія гераіні

Разам з Samsung Galaxy S9|S9+ мы пачынаем новы праект, дзе распавядаем пра 12 гераінь, беларусак, якія рабілі і робяць сёння нашу краіну лепшай. Гэта жанчыны, якія ўвайшлі ў беларускую гісторыю: бунтаркі, спартоўкі, мастачкі, паэткі. Сведкі даўно мінулых дзён і нашы сучасніцы.

У кожнай з іх — свой няпросты шлях і лёс. Перад кожнай паўставала безліч выклікаў, якія яны адважна прымалі і даказвалі, што сапраўды чагосьці вартыя.

Гэтыя імёны ўвасабляюць смеласць, шчырасць, адданасць. Гэтымі гераінямі варта ганарыцца і натхняцца.

Беларускія гераіні
Беларускія гераіні

Эмілія Плятэр

Сімвал свабоды, сімвал фемінізму, сімвал адданасці сваёй зямлі. Утрымаць Эмілію дома, калі трэба было абараняць радзіму, не мог ніхто. Яна плявала на правілы і забароны, што не дазвалялі ёй ускочыць на каня і смела рушыць на ворага наперадзе войска.

Вера Харужая — беларускі Чэ Гевара

Якія тут, здавалася б, могуць быць параўнанні. Ён — сусветная ікона левага руху, яго ведаюць у твар мільёны. А яе імем названы дзясятак вуліц у Беларусі і наш мясцовы гатунак бэзу. Але паралеляў нашмат больш, чым здаецца.

Ларыса Геніюш — выбар героя

Лёс выбітнай беларускай паэткі быў ланцугом раздарожжаў і выбараў. Складана ўявіць, як ва ўмовах невыносна цяжкага для беларусаў ХХ стагоддзя чалавек змог пражыць такое годнае жыццё, нідзе не схібіўшы і не здрадзіўшы сабе.

Жанна Капуснікава — панк ад мастацтва

Яе жывапіс непрыяцелі крытыкуюць, называюць «негарманічным». Але серыя мастачкі «Дажынкі» напоўненая гумарам і любоўю да Радзiмы. І гэта круты панк, які беларусам так патрэбны для раўнавагі.

Алаіза — першая беларуская феміністка

Фемінізм Алаізы Пашкевіч, Цёткі, палягаў не ў тым, каб пагарджаць мужчынамі, а ў тым, каб быць мацнейшай за іх.

Алена Кіш

Жанчына, якая сваёй творчасцю ў пасляваенныя гады дарыла беларусам рай, якога так не ставала ў будаванні “шчаслівай” камуністычнай будучыні. Непрызнаныя пры жыцці, як у выпадку з многімі геніямі, яе працы паўсталі з бруду ўжо пасля смерці мастачкі.

Марына Лобач — зорная гімнастка

Яе біяграфію часцяком параўноўваюць з сюжэтам «Папялушкі». Пераехаць у Мінск са Смалявіч у 10 год, плённа працаваць, не звяртаць увагі на здзекі, каб прачнуцца ў статусе алімпійскай чэмпіёнкі.

Беларускія дзекабрысткі ХХ стагоддзя

Яны ехалі за мужамі на край свету.

Ядвіга Паплаўская — голас пакалення

Яна была б не супраць хаця б месяц адпачыць ад канцэртаў і закрыцца ў доме ў вёсцы, але людзі хочуць чуць хіты іх маладосці. І Ядвіга зноў уздымаецца на сцэну, каб дарыць гледачам эмоцыі.

Зінаіда Бандарэнка — зорная беларуская дыктарка

Зінаіда Бандарэнка афіцыйна сышла з тэлебачання ў 1996 годзе, але яе ўпэўнены мілагучны голас, характарнае карэ і сукенку-вышыванку многія гледачы памятаюць і сёння.

Соф’я Кавалеўская — геніяльная матэматык

Ды што гераічнага ў тым, каб быць матэматыкам? Жанчынай-матэматыкам? Але ўявіце, што ваша жыццё абмежавана стагоддзямі традыцыі кухня-дзеці-муж-царква. І да вас ніводная жанчына яе не ламала.

Стэфанія Станюта — гісторыя Беларускі

Вялікая артыстка Стэфанія Станюта здавалася вечным і ўніверсальным увасабленнем Беларусі — арыстакратычнай і гарадской. Станюта сышла ў 2000-м, разам са сваім стагоддзем. Яна пражыла яго цалкам, кніга пра яе лёс можа быць падручнікам па гісторыі краіны.