Biełaruski pratest i mastactva na šerych panelkach: top-20 biełaruskich klipaŭ 2020 hoda

Aŭtar: NN.by

«Naša Niva» treci hod zapar składaje top najlepšych ajčynnych muzyčnych videa. U łonh-list rejtynhu trapiła amal sotnia klipaŭ, jakija byli acenienyja žurnalistami, a ŭžo ź ich my skłali svoj top z 20 videa. 

Što było ŭ papiarednija hady:

2019: Noŭnejmy i Lidzija Jarmošyna: 19 najlepšych klipaŭ biełaruskich vykanaŭcaŭ u 2019 hodzie

2018: Spakuślivyja tancy i hienieratar bulby: 18 najlepšych klipaŭ biełaruskich vykanaŭcaŭ u 2018 hodzie

Kab vy razumieli ŭzrovień kankurencyi, u dvaccatku nie trapili klipy Maksa Karža i Intelligency ź miljonnymi prahladami, taksama za miežami zastalisia Lavon Volski, Cima Biełaruskich, IOWA i adkryćcio hoda — hurt TOR BAND.

20. Lera Jaskievič — Miesiac

U maładoj błohierki i śpiavački vydaŭsia vielmi nasyčany hod. Lera vypuściła novy albom, zapisała šmat videarolikaŭ, a taksama nie zastałasia abyjakavaj da padziej u krainie.

U pieśni «Miesiac» Jaskievič śpiavaje pra pakuty ad niepadzielenaha kachańnia, a ŭ klipie žadaje adpomścić kryŭdzicielu. Ale siužet biare niečakany kirunak.

19. Shuga — Mołči

Šmatlikija hurty i vykanaŭcy pryśviacili svaje pieśni i klipy padziejam u Biełarusi.

Śpiavačka Maryna Shuga była siarod dziaŭčat u biełym, jakija stali ŭ pieršy žanočy łancuh na Kamaroŭcy, a svoj apošni rolik pryśviaciła ŭsim tym, chto paciarpieŭ ad biełaruskich siłavikoŭ.

18. Kaśsiopieja — Po koleno v lubvi

18 listapada vyjšaŭ pieršy za piać hadoŭ albom biełaruskaha fryk-pop hurta, a praz čatyry dni byŭ zatrymany jaho salist Illa Čarapko-Samachvałaŭ. 15 dzion śpiavak i akcior moh adčuvać, što takoje być «pa kalena ŭ lubovi» ź dziaržavaj.

Uchvalna pryniaty krytykami reliz niekatoryja adaryli navat epitetam «strašny» — usio za zmročny siužet piesień «Kaśsiopiei». Taki ž prysmak zastajecca i paśla prahladu videa.

17. NIZKIZ — Praviły

Sioleta mahiloŭski hurt nie paradavaŭ fanataŭ siužetnymi klipami, ale vypuściŭ, badaj, samy pryhožy vizuał pra biełaruskija pratesty, u jakim źnialisia muzykanty NIZKIZ, viadomyja biełaruskija vykanaŭcy, siabry hurta i dziasiatki tysiač pryhožych biełarusaŭ.

16. Panska Moc — Uletaju

«My lacim, i heta prynosić spakoj. Ale son nie moža praciahvacca viečna», — u hurta, čyj klip užo traplaŭ u naš top dva hady tamu, sioleta vyjšła videa, pryśviečanaje vandroŭkam u śviet iluzij, dzie kamfortna i zručna. 

15. Relikt — Tuman u mora

Kłasičnuju historyju baraćby dabra sa złom Relikt uvasobiŭ u historyju pra dziaŭčynu-spartoŭku, jakuju presuje aźviareły trenier. Pieraniosšysia ŭ śviet pryrody i adčuŭšy siły, što žyvili biełarusaŭ spradvieku, achviara pieramahaje strach i rašuča adkazvaje ahresaru.

U suviazi z padziejami ŭ Biełarusi taki siužet nabyvaje dadatkovy sens.

14. SiROP — Rodina 

Repier SiROP zapisaŭ trybjut hurtu «DDT», ale ad kłasičnaj pieśni zastaŭsia tolki prypieŭ. Astatniaje — refleksii vykanaŭcy na temu radzimy i svabody, a ŭ klipie Alaksiej Zahoryn źjaŭlajecca ŭ vobrazie śmierci z kasoj. Tamu, mahčyma, jutub i pastaviŭ na videa ŭzrostavyja abmiežavańni.

U kancy videa śmierć hladzić na Pałac Niezaležnaści — taki mesedž aŭtakratyčnaj sistemie.

13. Super Besse — Rodina

Tak supała, ale ŭ našym rejtynhu susiednija miescy zaniali videa na pieśni z adnolkavaj nazvaj.

Super Besse nie zdradzili sabie i vypuścili čarhovy minimalistyčny klip, jaki, niby mazaika, składzieny z kadraŭ biełaruskaha žyćcia: parady, chakiej, krajavidy z akna elektryčki i inšaja biełaruskaja rečaisnaść.

Kali vam cikava, to ŭ apisańni da rolika jość spasyłki na kožny asobny rolik.

12. Hriaź — Chołoda

«Dzie naradziŭsia, tam i zamierz», — zvyškarotkaja recenzija klipa Dzianisa Astapava. U svajoj tvorčaści «Hriaź» daśleduje samyja niepryvabnyja staronki žyćcia čałavieka, kali na haryzoncie niama nijakaha śviatła, a navokał sucelny choład.

U jašče adnym klipie «Hriazi» možna ŭbačyć znajomy vobraz sucinaŭskaj Jevy.

11. Siarhiej Michałok & DREZDEN — BARRIKADO

Ad Siarhieja Michałka čakali adkazu na padziei na jaho radzimie. Metr spačatku zastavaŭsia zvonku ci kazaŭ dvuchsensoŭnyja rečy, paśla ŭsio ž apublikavaŭ videazvarot abjadnańnia Brutto Nostra i zapisaŭ dziasiatki storyz u instahramie.

U śniežni fanaty dačakalisia i tvorčaha adkazu: Barrikado — heta svojeasablivy manifiest padziejam u Biełarusi. Ale Michałok zastajecca saboj: videa i tekst poŭnyja rebusaŭ i fiłasofii. 

«Heta videa hladzieć dyskamfortna, a jak žyć u palicejskaj dziaržavie?» — piša režysiorka klipa Karalina Palakova. Mahčyma, praz najaŭnaść kadraŭ hvałtu videa było vydalena z YouTube.

10. Lera Jaskievič — Ja ustał

Z hetym videa nijak nie abyścisia biez štampaŭ pra elemientarnaść prostaha.

Pahladzicie pryhožy ŭ svajoj prastacie klip: dziaŭčyna ŭciakła ad turbot u čoŭnie-łožku, kab pryvieści dumki i spravy da ładu. 

9. TORF — Ludi na bołotie

Muzykanty niekali kultavaha chardkor-hurta TT-34 paśla jaho raspadu zasnavali novy kalektyŭ TORF.

Siužet debiutnaha klipa taki: niekalki čałaviek abyjakava hladziać na toje, jak chłopca pastupova zasmoktvaje ŭ bahnu. Mahčyma, heta takaja aluzija na situacyju ŭ Biełarusi, ale tut varta patłumačyć, što videa vyjšła jašče ŭ lipieni.

8. ŁSP — Binokl

(aściarožna, u klipie jość niecenzurnaja leksika)

U hetym hodzie Aleh ŁSP zdorava pahulaŭsia sa svaimi fanatami: to vypuścić rep-opieru pra dzikoŭ, to zdymie klip, siužet jakoha poŭny zahadak, jakija vielmi składana razhadać. Ale źniata, biezumoŭna, hustoŭna i pryhoža.

7. KULTURA. — HOST

Heta klip na debiutny sinhł novaha hurta z udziełam Paŭła Michałka. Pieśniu muzykanty nazyvajuć «futurystyčnym i nonkanfarmisckimi tvoram, vykananym u styli sintetyčnaj pop-muzyki», a taksama zaŭvažajuć, što ŭsio heta — satyra i što ŭsie supadzieńni z realnaściu vypadkovyja. 

Maładość u našym topie bje dośvied.

6. dusia & Sinie Gory — Kołybielnaja

Liryčna-psichadeličny rolik, pryśviečany mikrarajonu Brylevičy. Jak tłumačyć sens videa jaho stvaralnik Anton Miech, heta refleksija ab hłabalnym i łakalnym pierad snom, kali daŭno para b pravalicca ŭ niabyt, ale ŭspaminaješ raptam, što z hetym śvietam robicca niešta niadobraje i pa kvartpłacie ŭžo, napeŭna, pienia.

5. Molchat Doma — Nie Śmiešno

Molchat Doma kudy bolš viadomyja za miažoj, čym na radzimie, dzie tolki zusim niadaŭna prajšoŭ ich pieršy solnik. Pra post-pank-trya pišuć hihanty kštałtu The New York Times, a klipy im zdymaje viadomaja režysiorka Darja Žuk.

Jana pasprabavała ŭchapić adčuvańnie padziej u Biełarusi i pierapracavać jaho va ŭniviersalnyja paetyčnyja vobrazy, a taksama pieradać pačućcio biełaruskaha i suśvietnaha absurdu tak, kab jano było pračutaje fanatam ź luboj krainy.

4. TryNići: Ivan Kirčuk, Siarhiej Doŭhušaŭ, Marharyta Laŭčuk — Lito

Redki dla Biełarusi prykład «supierhurta», u skład jakoha ŭvajšli viadomyja i aŭtarytetnyja ludzi muzyčnaha śvietu. 

Jak śćviardžajuć stvaralniki klipa, heta aluzija na sučasnuju biełaruskuju rečaisnaść i na padziei, što pačalisia ŭ žniŭni 2020 hoda i praciahvajucca dahetul. U videa kožny musić ubačyć svaje sensy i paraleli.

3. Jelena ŽiełudOk — Ščučynščyna

Pieśnia, jakaja zrabiła dla papularyzacyi Ščučynskaha rajona bolš, čym usie čynoŭniki razam uziatyja. Słova «Ščučynščyna», biezumoŭna, stała adnym sa słovaŭ hetaha hoda, a pieśnia razam z klipam nazaŭsiody zastaniecca ŭ našaj padśviadomaści. 

Test: Što vy viedajecie pra Ščučynščynu?

2. Molchat Doma — Źviezdy

Na druhoje miesca my pastavili jašče adzin klip post-pankaŭ z Molchat Doma. U videa zmročnaja estetyka raskviečanaja jarkimi farbami i liryzmam.

Pa siužecie hałoŭny hieroj-kamunalnik, jakoha hraje kupałaviec Michaś Zuj, kožny dzień zafarboŭvaje hrafici na ścienach damoŭ, ale ŭ niejki momant adbyvajecca zboj — i hieroj pieraradžajecca.

Molchat Doma praciahvajuć temu ŽES-artu, letaś pra hety vid mastactva vyjšaŭ film «Čystaje mastactva» Maksima Švieda.

Hladzicie taksama: Kupałaŭcy Jesianievič i Zuj u «Toku»: pra pieśniu i narodnuju luboŭ, čynoŭnikaŭ i razhrom Kupałaŭskaha

1. Daj Darohu! — Baju-Baj

Ščaślivy hod dla fanataŭ bresckich pankaŭ: «Daj Darohu!» vypuścili doŭhačakany albom, a taksama źniali čarhovy kruty klip, jaki zasłužana zajmaje pieršaje miesca ŭ našym topie.

Nahadajem, što dva hady tamu DD užo pieramahali ŭ našaj padborcy. Klipy vychodziać nie tak časta, jak, mahčyma, chaciełasia b, ale što ni klip, to šedeŭr.

Juryj Stylski pryśviaciŭ animacyjny rolik, jaki vyjšaŭ u lipieni, padziejam u Biełarusi z 1994 pa 2020 hod. Ale jon jašče nie viedaŭ, što budzie napieradzie.

Клас
0
Панылы сорам
0
Ха-ха
0
Ого
0
Сумна
2
Абуральна
0

Chočaš padzialicca važnaj infarmacyjaj ananimna i kanfidencyjna?