U radzilnych damach viaduć schavanuju videazdymku Vy dumajecie, heta pravilna? 20

Pavodle jaje infarmacyi, kamiery videanazirańnia stajać nie tolki ŭ pieradrodavym pakoi, ale i ŭ radzilni.

«U 1-m radzilnym domie pry 1-j haradskoj kliničnaj balnicy znachodziacca kamiery videanazirańnia, navat u pryjomnym adździaleńni, pieradrodavaj i ŭ radzilnym pamiaškańni, u apieracyjnaj! Rody zapisvajucca, pra što paradzich nie papiaredžvajuć! — napisała jana ŭ redakcyju. — Taksama jość źviestki, što videakamiery znachodziacca ŭ 7-j i ŭ 2-j radzilniach Minska».

Čytačka pryznajecca, što ŭbačyła vyjavy ź videakamier u radzilnych załach radzilni № 1 na manitory zahadčycy, da jakoj zajšła.

«Ja skazała, što ja, naprykład, nie chaču, kab mianie padčas rodaŭ zdymali. Na što mnie skazali, što heta pa zakonie, ale pavodle jakoha — adkazać nie zmahli, ale ŭdakładnili, što heta było rasparadžeńnie ministerstva, — raspaviadaje jana.

— Ja parazmaŭlała ź dziaŭčatami, jakija taksama lažać u hetym raddomie, ale ŭžo naradzili, jany ździvilisia, skazali, što navat nie viedali pra toje, što ich zdymali».

Paradzicha aburanaja i kaža, što takim čynam parušajecca art. 18 Zakona RB «Ab infarmacyi, infarmatyzacyi i abaronie infarmacyi», zhodna ź jakim «nichto nie maje prava patrabavać ad fizičnaj asoby infarmacyi ab jaho pryvatnym žyćci i piersanalnych dadzienych, … abo atrymlivać takuju ​​infarmacyju inšym čynam nasupierak voli dadzienaj fizičnaj asoby». Budučaja mama źviarnułasia ŭ Ministerstva achovy zdaroŭja i ŭ Kamitet achovy zdaroŭja za rastłumačeńniem, adnak ni ŭ adnoj z ustanoŭ joj tołkam ničoha rastłumačyć nie zmahli.

«U Ministerstvie tolki skazali, što heta ŭsiudy tak», — kaža jana.

Žurnalisty pasprabavali razabracca ŭ situacyi, adnak ni ŭ Ministerstvie achovy zdaroŭja, ni ŭ Kamitecie achovy zdaroŭja Minharvykankama karespandentu tołkam jaje rastłumačyć nie zmahli.

U pryjomnym pakoi 1-j radzilni paviedamili, što «kamiery stajać dla supracoŭnikaŭ radzilni», pry hetym adkazali, što «ŭ radzilnaj zale videakamiery niama». Datelefanavacca da radzilnaj zały, kab paćvierdzić hetuju infarmacyju, na momant publikacyi naviny nie ŭdałosia.

U 2-m radzilnym domie na pytańnie «Ci jość u vas u radzilnaj zale videakamiery?» prama adkazali «Tak».

«I nie tolki ŭ radziłnaj zale u nas kamiery, ale i ŭ pryjomnym pakoi, i ŭ faje — pa ŭsim radzilni. Hady 3–4 tamu ich pastavili, — raspaviali ŭ radzilni. — Kamiery stajać, kab u vypadku niejkich prablem, možna było razabracca ŭ situacyi, jany sočać za pracaj piersanału».

— A paradzich ab hetym papiaredžvajuć?

— Kali vy spytajecie, vam, viadoma, adkažuć, ale kali vy budziecie ŭ nas naradžać, vy jaje ŭbačycie, paviercie, jana vam nie pieraškodzić.

U Ministerstvie achovy zdaroŭja paraili źviartacca ŭ Kamitet pa achovie zdaroŭja, dzie paviedamili, što videakamiery zaraz viešajucca va ŭsich ustanovach achovy zdaroŭja, u tym liku i ŭ radzilnych stacyjanarach. Kamiery stajać tam, dzie pracuje piersanał, ale nie tam, dzie prachodziać rody. U lubym vypadku, dzie visiać kamiery, tam stajać šyldy, jakija papiaredžvajuć, što viadziecca videanazirańnie.

tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH