U maładziožnych kołach Bresta papaŭźli čutki ab tym, što supracoŭniki milicyi «sapsavali» hrupie maładych ludziej śviatkavańnie Dnia studenta, jakoje prachodziła za horadam u vielmi niefarmalnaj abstanoŭcy.

Pavodle infarmacyi ŭpraŭleńnia pa narkakantroli i supraćdziejańni handlu ludźmi, u Breście isnavała hrupa maładych ludziej, jakija ŭčyniajuć «amierykanskija viečarynki». Na ich bieśpieraškodna ŭžyvali ałkahol i narkotyki.
Trapić na takuju ​​tusoŭku možna tolki pa zaprašalnych i pry hetym treba być asabista znajomym z kim-niebudź z udzielnikaŭ.
Supracoŭniki ŭpraŭleńnia vyrašyli «adpracavać» takuju ​​studenckuju viečarynu na terytoryi Žabinkaŭskaha rajona, u azdaraŭlenčym centry «Arlania».

«Apieratyŭnikam pryjšłosia pracavać usiu noč.

Na viečaryncy prysutničali 126 čałaviek. Asnoŭny ŭzrost — 18–19 hadoŭ, 70% ź ich — studenty roznych navučalnych ustanoŭ Bresckaj vobłaści. Kala 10% asob raniej pryciahvalisia da kryminalnaj adkaznaści.
Asnoŭnaja masa (kala 70%) — pradstaŭniki mocnaha połu. Taksama na viečarynie prysutničali 9 padletkaŭ va ŭzroście ad 15 da 17 hadoŭ. Piersanał azdaraŭlenčaha centra „Arlania“ adsutničaŭ», — raspavioŭ «Briestskoj hazietie» načalnik adździeła infarmacyi i hramadskich suviaziej UUS Bresckaha abłvykankama Siarhiej Dučenka.
Pry asabistym vobšuku ŭ niekatorych prysutnych byli kanfiskavanyja rečyvy, padobnyja na hašyš i marychuanu.
U siemiarych byli vyjaŭlenyja prystasavańni dla ŭžyvańnia narkatyčnych srodkaŭ. Z ałkaholu znojdzienyja 16 litraŭ vadkaści, što ŭtrymlivaje śpirt, u palimiernych 5-litrovych butelkach.

«Ciapier supracoŭniki pravaachoŭnych orhanaŭ pravodziać šerah pravierak i ekśpiertyz, pa vynikach jakich buduć rabicca dalejšyja dziejańni», — dapoŭniŭ Siarhiej Dučenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?