Ab hetym paviedamiła siońnia žurnalistam staršynia praŭleńnia hramadskaha abjadnańnia «Adpačynak u vioscy» Valeryja Klicunova.

Raniej płanavałasia, što pieršy ŭ Biełarusi ahraturystyčny kurort źjavicca ŭ Rasonskim rajonie. Adnak subjektam ahraturyzmu, pradstaŭlenym u hetym rajonie, pakul nie ŭdałosia abjadnacca i stvaryć adziny kłastar.
Vialikich pośpiechaŭ dasiahnuli ŭładalniki sielskich siadzib u Vałožynskim rajonie, dzie ŭžo stvorany ahraturystyčny kłastar, adkryty turyscka-infarmacyjny centr i raspracavany maršrut «Vałožynskija haścincy».
U dalejšym, jak adznačyła Valeryja Klicunova, ahraturystyčnyja kurorty mohuć być stvorany ŭ Kapylskim, Ščučynskim, Drybinskim i Rasonskim rajonach.
Ahraturystyčnyja kurorty, jak čakajecca, buduć dziejničać na asnovie kłastarnaj madeli. Pryčym u ich uvojduć jak pryvatnyja ŭładalniki siadzib, tak i ahraturystyčnyja kompleksy, stvoranyja sielhaspradpryjemstvami. Kožny ahraturystyčny kurort pavinien budzie mieć svaju cikavuju admietnaść. Naprykład, u Drybinskim rajonie raspaŭsiudžana šapavalstva — tradycyja ručnoha vyrabu valonak.

Ciapier u Biełarusi zarehistravana 1917 subjektaŭ ahraturyzmu, ź ich amal pałavina aktyŭna zajmajecca pryjomam turystaŭ. 20 listapada spaŭniajecca 10 hadoŭ stvareńnia hramadskaha abjadnańnia «Adpačynak u vioscy». Heta arhanizacyja abjadnała ludziej, jakija zajmajucca sielskim turyzmam. Za čas isnavańnia hramadskaha abjadnańnia realizavana amal 20 mižnarodnych prajektaŭ. Raspracavany standarty jakaści ŭ halinie sielskaha turyzmu, praviedziena bolš jak 300 navučalnych sieminaraŭ i treninhaŭ, inicyiravany i padtrymany rehijanalnyja fiestyvali i h.d.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?