Mitrapalit Minski i Słucki Fiłaret, Patryjaršy Ekzarch usiaje Biełarusi pryniaŭ u Minskim jeparchijalnym upraŭleńni delehacyju afonskaha manastyra Chiłandar na čale ź ihumienam archimandrytam Miafodzijem.

«Vysokapraaśviaščenny Mitrapalit Fiłaret mieŭ razmovu z haściami, paśla zaviaršeńnia jakoj Mitrapalit Fiłaret, adznačyŭšy pracu na karyść Pravasłaŭnaj carkvy, uručyŭ carkoŭnyja ŭznaharody i błahasłaviŭ ich na padarožža pa jeparchijach Biełaruskaj pravasłaŭnaj carkvy i sustrečy z duchavienstvam, manachami i viernikami», — rastłumačyli ŭ Ekzarchacie.

Afonskija manachi prybyli ŭ Biełaruś ź piacidzionnym vizitam pa zaprašeńniu Ekzarcha. Akramia archimandryta Miafodzija, u skład delehacyi ŭvajšli jašče try nasielniki manastyra Chiłandar. Jany płanujuć naviedać, u pryvatnaści, Ladzienski Śviata-Błahavieščanski manastyr, Połacki Śviata-Jefrasińnieŭski manastyr, Biarezinski zapaviednik, miemaryjalny kompleks «Chatyń». Delehacyja pieradaść minskamu prychodu «Usich tužlivych radaść» ikonu Božaj Maci «Mlekakarmilica», a staličnamu chramu ŭ honar Opcinskich starcaŭ — ikonu Praśviatoj Baharodzicy «Trajaručyca».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?