Jak paviedamiŭ načalnik adździeła infarmacyi i hramadskich suviaziej UUS Bresckaha abłvykankama Siarhiej Dučenka, na moładzievaj viečaryncy ŭ Žabinkaŭskim rajonie kanfiskavanyja narkotyki.

Narkatyčnyja srodki byli vyjaŭlenyja ŭviečary 17 listapada ŭ azdaraŭlenčym centry «Arlania» u tancavalnaj zale, jaki žychar Bresta arandavaŭ dla praviadzieńnia dyskateki z nahody Dnia studenta.

U troch bieraściejcaŭ — udzielnikaŭ hetaha mierapryjemstva supracoŭniki milicyi vyjavili i kanfiskavali 5 pakiecikaŭ i papiarovych skrutkaŭ, dzie pa papiarednich źviestkach znachodzilisia hašyš i marychuana. Pravodzicca pravierka, pryznačanaja ekśpiertyza.

Materyjały pravierki buduć pieradadzienyja ŭ Žabinkaŭski rajonny adździeł Śledčaha kamiteta dla pryniaćcia rašeńnia.

Jak adznačyŭ Dučenka, na hetaj dyskatecy supracoŭniki milicyi taksama kanfiskavali 16 litraŭ śpirtaźmiaščalnaj vadkaści, jakaja znachodziłasia ŭ palimiernych piacilitrovych butelkach.

Jak patłumačyŭ adzin z arhanizataraŭ mierapryjemstva, usiaho było zakuplena 50 litraŭ takoha śpirtu.

Na viečaryncy prysutničali 126 čałaviek, bolšaja častka ź jakich studenty rehijonu. Trapić na jaje možna było pa zaprašalnych kvitkach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?