Košt za miesiac — kala 150 dalaraŭ. U canie i kamunalnyja, i internet. Heta suvymierna z arendaj pakoja ŭ kvatery, tamu achvotnych žyć u internatach nie tak i šmat. Miescy, jak praviła, jość. Chiba ŭ Varšavie z hetym mohuć uźniknuć prablemy.

Žyvuć u błokach — dva pakoi pa dva čałavieki ŭ kožnym, kuchnia, tualet, duš.

Istotnaja admietnaść polskich akademikaŭ — prapuskny režym. Sam «žychar» viartacca moža kali zaŭhodna i ŭ jakim zaŭhodna stanie. Kali zarehistravać zahadzia haściej, to i dla ich časovych abmiežavańniaŭ nie isnuje. Praŭda, za kožnuju noč treba płacić. U siarednim dva-try dalary, a kolkaść «načej» abmiežavanaja tryma ŭ miesiac. Zrešty, nie zaŭždy heta kantralujecca, nie ŭva ŭsich akademikach biaruć płatu. Dy i praz vokny łaziać — kab nie płacić ci «haścić» daŭžej.

Jość i hramadskija kuchni, jany na kalidorach. Patrebnyja jany, praŭda, čaściej dla viečarynak. Naohuł, što da imprezaŭ, z hetym u Polščy ŭ razy praściej. Na kalidorach uviečary možna sustreć dziasiatki čałaviek z roznych krainaŭ. Kaniečnie, z hučnaj muzykaj, ałkaholem i ŭsim, što prysutničaje ŭ studenckim žyćci.

Achova redka ŭmiešvajecca ŭ studenckaje žyćcio. Chiba kali pierahibajuć pałku. Dy i zakančvajecca heta zaklikami razyścisia i paviedamleńniem kiraŭniku akademika. Palicyja ŭvajści na terytoryju internata maje prava tolki z dazvołu rektara. Čaho amal nikoli nie adbyvajecca.

Tak vyhladaje typovy pakoj:

Tak heta vyhladaje zvonku:

Kala akademikaŭ bar, spartovaja placoŭka, park, krama. U samim budynku jašče i načny kłub. Nu i, kaniečnie, jašče niekalki akademikaŭ. Takim čynam atrymlivajecca mini-haradok z 1,5 tys. studentaŭ. Darečy, na terytoryju jaho palicyja taksama nie ŭvachodzić. Tamu na travie ŭviesnu čaściakom robicca hryl z pasiadziełkami da nočy, adbyvajucca kancerty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?