U aŭtorkavym numary pra heta ŭ svajoj kałoncy napisaŭ hałoŭny redaktar vydańnia Uładzimir Bieražkoŭ.

«Naša Niva»: Ci pravilna kazać, što «Priessboł» pradajecca?

Uładzimir Bieražkoŭ: Absalutna pravilna.

«NN»: Što padšturchnuła da takoha kroku?

UB: Situacyja na rynku presy takaja, što isnuje ahramadny dysbałans miž papiarovymi vydańniami i internetam. Haziety stračvajuć u nakładzie, a kolkaść naviedvalnikaŭ u necie raście. Ale internet nie prynosić nam prybytkaŭ. Našy rekłamadaŭcy nie vielmi zacikaŭlenyja ŭ internecie. Tak užo skłałasia, što ŭ internecie ŭsio biaspłatna. A prafiesijanały biaspłatna pracavać nie mohuć. Prynamsi, doŭha.

«NN»: Nakład mocna źniziŭsia?

UB: Try hady tamu nakład aŭtorkavaha numaru byŭ kala 30 tysiač. Siońniašni «Priessboł» vyjšaŭ z nakładam krychu bolš za 16 tysiač. Taksama my majem kala 600 pdf-padpisčykaŭ.

«NN»: U nastupnym hodzie papiarovaja viersija budzie vychodzić u tym ža farmacie: čatyroch numaroŭ u tydzień?

UB: My ŭniesienyja ŭ padpisnyja katałohi. I pavinny adpracavać pierad čytačami. Mahčyma, uviesnu, kali paŭstanie novaje pytańnie ŭklučeńnia ŭ padpisnyja katałohi, pojdziem na niejkuju karekciroŭku.

«NN»: Inviestaru prapanujecca kantrolny pakiet akcyj?

UB: Zaležyć ad inviestara. Kožny vypadak treba razhladać indyvidualna.

«NN»: A chto siońnia źjaŭlajecca ŭładalnikam haziety?

UB: Heta piać čałaviek. Usie jany pracujuć u «Priessbole»: ja, Juryj Arłoŭ, Siarhiej Novikaŭ, Alaksandr Dabryjan, Dźmitryj Bieleńki. Usie my pahadzilisia, što patrebna šukać inviestara.

«NN»: U svajoj kałoncy Vy pišacie, što hatovyja stvarać «novy likvidny pradukt». Buduć źmieny ŭ farmacie vydańnia?

UB: U pieršuju čarhu heta datyčyć internetu. Tam treba stvarać novy pradukt. Što tyčyć haziety, to ŭ nas pracujuć, možna skazać, dynazaŭry žurnalistyki, vydatnyja publicysty, majstry svajoj spravy. Treba ich zachavać.

«NN»: «Priessboł» zaŭsiody canili za jaho niezaležnuju pazicyju. Nie baiciesia jaje stracić?

UB: Hazietu buduć rabić tyja ž prafiesijanały. Niavažna, dziela čaho nabyvaje inviestar vydańnia — z metami prybytku, raźvićcia, humanitarnymi ci prafiesijnymi. Jon najmaje hatovy kalektyŭ, hatovuju vytvorčaść.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?