Ahienctva ŭnutranaj biaśpieki Polščy (AUB) aryštavała padazravanaha ŭ płanavańni teraktaŭ suprać najvyšejšych orhanaŭ ułady. Pra heta paviedamiła prakuratura horada Krakaŭ, što na poŭdni Polščy. Nieaficyjnyja krynicy śćviardžajuć, što metami napadu mahli stać Sojm i prezident. Bambist pracavaŭ u adnym z univiersitetaŭ i tam mieŭ dostup da materyjałaŭ, jakija mohuć być vykarystany dla vyrabu vybuchoŭki.

Rasśledavańnie epizoda viadziecca ad 5 listapada. Padazravanaha aryštavali. Jak pišuć polskija ŚMI sa spasyłkaj na nieaficyjnyja krynicy, «sprava surjoznaja, padrychtoŭka terakta była ŭžo na prasunutaj stadyi».

Aryštavany maje vyšejšuju techničnuju adukacyju. Čałaviek mieŭsia arhanizavać terakt 11 listapada, u časie śviatkavańnia Dnia niezaležnaści Polščy, i pryjechaŭ dla hetaha ŭ Varšavu. Jon užo častkova pryznać svaju vinu.

Paviedamlajuć, što ŭ svaich dziejańniach jon natchniaŭsia narviežskim miaśnikom Brejvikam i terarystam z amierykanskaha Akłachoma-Sici.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?