Sudom Centralnaha rajona Minska da siami z pałovaj hadoŭ pazbaŭleńnia voli z adbyvańniem pakarańnia va ŭmovach uzmocnienaha režymu i z kanfiskacyjaj majomaści pryhavorany były namieśnik načalnika inśpiekcyi pa padatkach i zborach pa Partyzanskim rajonie stalicy.

Jak paviedamili ŭ prakuratury horada, 36-hadovy minčanin, jaki zajmaŭ adkaznuju pasadu, u sakaviku 2010 hoda damoviŭsia z pasrednikam, jaki dziejničaŭ ad nieŭstanoŭlenaj asoby, pra akazańnie za 10 tysiač dołaraŭ sadziejničańnia ŭ farmalnym praviadzieńni rajonnaj padatkovaj inśpiekcyjaj pravierki adnaho z zamiežnych pradpryjemstvaŭ u Minsku. U akcie pravierki nie pavinny byli być adlustravany ŭsie najaŭnyja parušeńni dziejnaha padatkovaha zakanadaŭstva va ŭzajemaadnosinach ZP ź dźviuma kampanijami. U toj ža čas u akcie pavinny byli być adznačany niaznačnyja parušeńni, jakija b nie vyklikali nieabchodnaść nakiravańnia materyjałaŭ u departamient finansavych rasśledavańniaŭ KDK dla praviadzieńnia daśledčaj pravierki vyjaŭlenych parušeńniaŭ padatkovaha zakanadaŭstva.

Namieśnik načalnika padatkovaj inśpiekcyi hrošy atrymaŭ.
Jon daŭ ukazańnie hałoŭnamu dziaržaŭnamu padatkovamu inśpiektaru IMPZ pa Partyzanskim rajonie ab farmalnym praviadzieńni pravierki zamiežnaha pradpryjemstva i niepraviadzieńni nieabchodnych kantrolnych dziejańniaŭ, skiravanych na paćviardžeńnie ŭsich faktaŭ afarmleńnia padroblenych dahavoraŭ subpadradu na vykanańnie budaŭniča-mantažnych rabot pamiž ZP i dźviuma kampanijami, jakija majuć prykmiety łžepradprymalnickich struktur.
Były namieśnik načalnika padatkovaj inśpiekcyi sudom pryznany vinavatym u atrymańni chabaru ŭ bujnym pamiery
(č. 3 art. 430 KK) i ŭ naŭmysnym učynieńni dziejańniaŭ, jakija jaŭna vychodziać za miežy pravoŭ i paŭnamoctvaŭ, pradastaŭlenych jamu pa słužbie, i jakija paciahnuli naniasieńnie značnaha ŭronu dziaržaŭnym intaresam, učynienych z karyślivaj i inšaj asabistaj zacikaŭlenaści (č. 3 art. 426 KK). U sudzie abvinavačvany svaju vinu nie pryznaŭ.

Pryhavor suda byŭ abvieščany 23 lipienia hetaha hoda. Padsudny jaho abskardziŭ, na što prakuraturaj byŭ vyniesieny pratest. Minski haradski sud tolki niekalki źmianiŭ farmuloŭku dadatkovaha pakarańnia abvinavačvanamu, pastanaviŭšy pazbavić jaho prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, terminam na čatyry hady.

Viačasłaŭ Budkievič, BiełaPAN.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?